IHMA Jizzax viloyati

✈️ Jizzax bolajonlari Yangi yil taftini his qila boshladilar.

🔍Yoʻl-yoʻlakay ular ota-onalar hamda yoshlarga Yangi yilning ilk shukuhini hadya etishni sovgʻalar ulashishdan boshlashdi.

Yangi yil bayramini ayniqsa, bolajonlar intiqib, o‘zgacha zavq-shavq bilan kutishadi. Yurtimizda barcha bayramlar qatori Yangi yilda ham jajji o‘g‘il-qizlar quvonchiga sherik bo‘lish, sovg‘a-salomlar ulashish yaxshi an’anaga aylangan. O‘zbekiston Respublikasi Prezidenti huzuridagi Ijtimoiy himoya milliy agentligi tizimidagi Alohida ta’lim extiyojlari bo‘lgan “Nurli maskan” ixtisoslashtirilgan maktab-internatida bolajonlar uchun “Yangi yil archasi” bayrami tadbiri bo‘lib o‘tdi.

Bayram tadbirida maktab-internat o‘quvchilari ustozlari bilan birgalikda bayram uchun tayyorlangan she’rlar, kuy va qo‘shiqlar, ertaknamo sahna ko‘rinishlarini ijro etib bolajonlarga ko‘tarinki kayfiyat ulashdilar. Tadbirda yangi yil bayram sovg‘alari bolajonlarga topshirildi.

Yangi yil – nafaqat bolajonlar qolaversa kattalar tomonidan ham eng uzoq kutiladigan va sevimli bayramlardan biridir. U har doim bolalik, yangi yil archasi, turli-tuman sovg‘alar kabi yoqimli his-tuyg‘ular bilan bog‘liq. Bu galgi “Yangi yil archasi” tadbiri Zarbdor tumanidagi alohida ta’lim extiyojlari bo‘lgan bolalar uchun ixtisoslashtirilgan 2-sonli maktab-internatida ko‘tarinki ruhda o‘tkazildi.

Bayram tadbiri kuy qo‘shiqlar hamda bolajonlar tomonidan qiziqarli sahna ko‘rinishlarga ulanib ketdi. Bu esa o‘z navbatida maktab-internatidagi o‘g‘il qizlarning beg‘ubor qalbi va yuz-ko‘zlarida yanada bayram kayfiyatini aks ettira oldi.

Tadbirda bolajonlarga yangi yil bayrami sovg‘alari topshirildi.

O‘zbekiston Respublikasi Prezidenti huzuridagi Ijtimoiy himoya milliy agentligi tizimidagi Alohida ta’lim extiyojlari bo‘lgan 32-sonli aqli zaif bolalar uchun ixtisoslashtirilgan maktab-internatida bolajonlar uchun “Yangi yil archasi” bayrami tadbiri bo‘lib o‘tdi.

Tadbirda bolajonlarga bayram sovg‘alari topshirildi.

Bayram tadbirida maktab-internat o‘quvchilari tomonidan bolajonlar uchun tayyorlangan sahna ko‘rinishlari namoyish etilib, barchaga ko‘tarinki kayfiyat ulashdi.

Ushbu tadbir orqali ko‘plab bolajonlarga haqiqiy bayramona kayfiyatni ulashishga erishildi. Bolajonlardagi hayajon, ko‘zlaridagi quvonch va minnatdorchilik izhorlari buni namoyon etib turdi.