Husan Tangriyev I Rasmiy kanal

“БОЖ БАДАЛ” сериалининг мухлислари диққатига!

Сериал 2-фаслининг 1-қисми Youtube платформасига жойлаштирилди.

“Бож бадал 2-фасл” (1-қисм)

"Растаможка" каналида эълон қилинган материал юзасидан қуйидагиларни билдириб ўтамиз.

Божхона кодексининг 275-моддаси ҳамда “Товарларни божхона кўздан кечируви ва божхона кўригидан ўтказишда ҳамда намуна ва (ёки) синамалар олишда божхона тартиб-таомилларини амалга ошириш тўғрисидаги йўриқномани тасдиқлаш ҳақида”ги Йўриқноманинг (рўйхат рақами 3154, 19.04.2019 йил) 30-бандига мувофиқ, декларант божхона декларацияси ва божхона мақсадлари учун зарур бошқа ҳужжатлар берилгунга қадар товарларни божхона назорати остида кўздан кечириш ҳамда ўлчаш, уларнинг намуналари ва нусхаларини олиш ҳуқуқига эга.

Мазкур Йўриқноманинг 32-бандига мувофиқ, декларант томонидан товарларнинг кўздан кечируви учун мурожаатнома ташқи иқтисодий фаолият божхона постида божхона юк декларацияси божхона органига тақдим қилингунига қадар берилиши мумкин, бундан божхона органининг қарори асосида товарларни ўрганиш ҳолатлари мустасно эканлиги белгиланган. Яъни, агар божхона органларида мавжуд Хавфни бошқариш тизими томонидан қайсидир товарлар бўйича текшириш юзасидан қарор қабул қилинган ҳолларда, ТИФ божхона постида декларант томонидан ушбу товарлар кўздан кечирилиши чекланади.

Шунга мувофиқ, айнан мақолада кўрсатиб ўтилган ҳолатда, Йўриқноманинг 32-бандига мувофиқ, товарлар юзасидан божхона органлари томонидан ўрганиш ўтказилиши бўйича қарор қабул қилинган ҳамда бу борада декларантга автоматик тарзда огоҳлантириш (хабар) берилган.

Маълумот ўрнида, жорий йилнинг 30 январь куни ҳолатига (соат 21:00га қадар) декларантлар томонидан жами 51 маротаба (йил бошидан ушбу кўрсаткич 1 103 маротаба) товарларни кўздан кечириш юзасидан божхона органларига электрон мурожаатлар тақдим этилган бўлиб, ушбу мурожаатлар асосида бирорта ҳам божхона қонунбузилиши ҳолатлари юритилмаган.

Шунингдек, божхона постларида декларант томонидан товарларни кўздан кечиришда товарларда аниқланган тафовут (номувофиқликлар) бўйича божхона органлари томонидан божхона қонунбузилиши ҳолати юритилмайди ҳамда кўздан кечиришда аниқланган тафовутларни инобатга олган ҳолда тақдим этилган товар ҳужжатларига тузатиш киритиш имконияти берилади.

✅ Импорт қилинган ҳамда маҳаллий етиштирилган уруғлик картошкани сотишда қўшилган қиймат солиғининг 50 фоизи “кэшбек” сифатида қайтариб берилади.

Маълумот учун:

Вазирлар Маҳкамасининг 2019 йил 17 сентябрдаги 778-сон қарорига асосан, 2019 йил 1 ноябрдан олиб кириладиган мобил қурилмаларни халқаро ўзига хос идентификация кодлари бўйича рўйхатга олиш тизими ишга туширилган.

Қарорга асосан, норезидентларга тегишли мобил қурилмалар мобил алоқа операторининг тармоғида биринчи тармоқ ҳодисаси пайтидан бошлаб 60 календарь кунидан кўп бўлмаган муддатга мобил алоқа хизматларидан фойдаланиш имкониятига эга.

Чет эл фуқароси мамлакатимизга 60 календарь кунидан ортиқ муддатга ташриф буюрадиган бўлса, мобил қурилмаларни олиб киришда йўловчи божхона декларациясида кўрсатишса кифоя.

Резидентлар учун четдан олиб кирилаётган ва тизимда рўйхатга олинмаган мобил қурилмаларни йўловчи божхона декларациясида кўрсатиш ҳақида эслатмалар акс эттирилган баннерлар халқаро аэропортларнинг учиб келиш залларига жойлаштирилган.

Бу ҳақдаги аудио эслатмалар мунтазам равишда учиб келиш залларида ўқиб эшиттирилмоқда. Шунингдек, мазкур қоидалар акс эттирилган видеороликлар аэропортлардаги мониторларда узлуксиз намойиш қилинмоқда.

Диққат, эълон!

Ҳурматли фуқаролар, ташувчилар ва ташқи иқтисодий фаолият иштирокчилари!

Қозоғистон Республикасининг “Тажен” (Ўзбекистон Республикасининг “Довуд ота”) чегара ўтказиш пункти орқали шахслар, енгил автомобиллар, автобуслар ҳамда рухсат этилган тўлиқ вазни 3,5 тоннадан ошмайдиган юк автомобиллари ҳаракати 2025 йил 1 феврал санасидан бошлаб 3 ой муддатга вақтинча тўхтатилади.

Мазкур чекловлар чегара ўтказиш пунктларида таъмирлаш ва жиҳозлаш ишлари олиб борилиши муносабати билан Қозоғистон Республикаси томонидан жисмоний шахслар ва транспорт воситаларининг хавфсизлигини таъминлаш мақсадида жорий этилмоқда.

Шу сабабли ушбу давр мобайнида “Тажен” (Қозоғистон) – “Довут ота” (Ўзбекистон) чегара ўтказиш пунктлари орқали ҳаракатланувчи шахслар, енгил автомобиллар, автобуслар ҳамда рухсат этилган тўлиқ вазни 3,5 тоннадан ошмайдиган юк автомобиллари “Яллама”, "Зангиота (Навоий чегара божхона пости)", “Оқ олтин” ва “Малик” ўтказиш пунктлари орқали ҳаракатланишларини сўраймиз!

Шунингдек, жисмоний шахслар учун "Қорақалпоғистон" темир йўл ўтказиш пункти орқали йўловчи поездлари ҳаракатланишини маълум қиламиз.

Рухсат этилган тўлиқ вазни 3,5 тоннадан ортиқ бўлган юк автомобилларининг “Тажен” (Қозоғистон) – “Довут ота” (Ўзбекистон) чегара ўтказиш пункти орқали ҳаракати узлуксиз давом эттирилади.