Futbol dahosi
Qarang, menman degan futbolchilarning
Yoshlari o'ttizda bo‘lari bo‘ldi.
Afsus, erta so‘ngan “yulduzcha”larning
Ko‘zlarda yoshiga maydonlar to‘ldi.
Lekin bu kurashda taslim bo‘lmagan
Yorqin porlab turar yulduz bor hamon.
Yosh biroz o‘tsa ham bunda so‘lmagan
Charm to‘p ustasi, tengi yo‘q, tamom.
Vaqt ham juda, eh, tez o‘tib ketibdi,
Tinim ham bilmagan, mehnat bardavom
Mana bugun qirqqa yetib kelibdi
Mixga butsi ilmay, etmoqda davom.
Futbol nima deya so‘rashsa mendan
Ha, hech bir shubhasiz o‘ylanmay turib
Uning o‘yinlarin ko‘rsatamanda,
So‘ng esa ketaman xayollar surib.
Vatani, Portugal klubida ilk
Sporting safida tashlab qadami.
Balki ayon edi, yo kutmayin lek
Bog‘landi futbolga uning har dami.
Tumanli Albion - Angliya yurti
Manchesterda endi uchish boshlandi.
Yunaytetda yuzlab gollar ham urdi
Gohida quvonchdan ko‘zlar yoshlandi.
Ikkinchi muchali yigirma to‘rtda
Madridning Realin makon qildi u .
Qoldirgach to‘qqizta mavsumni ortda
O‘zining ortidan tarix qurdi u.
So‘ng ko‘hna Turinning Yuventusidan
O‘zining ajralmas o‘rnini topdi.
Sovrinlar qoldirib ketdi izidan
Shunda Italiya safarin yopdi.
Yana qaytib kelib, qisqa muddatga
Manchesterda qoldi bir yarim mavsum.
Ba’zida kechalar to‘ldi shiddatga
Ba’zan esa og‘ir o‘tdi necha kun.
Mana uch yildirki arab yurtida
Al Nasr qoshida topdi u qo‘nim.
Muallif ham bo‘ldi ko‘p golga bunda
Lek aslo qolmadi chaqmoqdek so‘nib.
Necha ming insonlar e‘tirof etgan
Xayrli ishlarga jazm qilgan u.
Necha ming jonlarni teng isrof etgan
Azoblarni birga hazm qilgan u.
Ne savob ishlarga udir bosh qo‘shgan
Egallab dunyoning xalqlarin dilin.
Mana bugun to‘lar u qirq yoshga
Ko‘rmadi bu jahon undayin xilin.
Ha balki, sanoqli yillari qoldi
Maydondan so‘ngi bor chiqib ketishga.
Muhlislar ko‘zlari yoshlarga to‘lib
Eh, balki dillarni siqib ketishga.
U ketgach futbolda qaysidir ma‘no
Qoladi o‘rnida kemtik, yopilmas.
Undanda zo‘rlari kelsa ham ammo
Ronaldu eng-engi, undek topilmas.
05.02.2025
@faqat_ijod
