Behruzjon Ergashev blogi

🏆 And the Oscar goes to...

O‘zining "Emilia Pérez" filmidagi roli uchun "Eng yaxshi ikkinchi darajali aktrisa" mukofotini qabul qilish qilgan Zoe Saldana bu sharafdan "shokda" qolganini aytdi.

"Akademiyaga Rita kabi ayolda mujassam bo‘lgan sokin qahramonlik va kuchni e'tirof etgani uchun rahmat," dedi Saldana o‘z obraziga ishora qilib. "Va kuchli ayollar haqida gapirar ekanman, menga haqiqiy in'om bo‘lgan sevgi va jamoani taqdim etgan raqobatchilarim, hamkasblarim – sizlarga minnatdorchilik bildiraman va bu mehrni boshqalarga yetkazaman. Sizlarga katta rahmat."

Saldana "Emilia Pérez" filmi rejissyori Jak Odyarni "hayotimdagi aziz inson" deb atadi va bu g‘alabasini film jamoasi bilan bo‘lishishini aytdi.

"Onam, otam va singillarimga… hayotimda amalga oshirgan barcha jasur, g‘ayrioddiy va ezgu ishlarda sizlarning hissangiz bor," dedi u oilasiga murojaat qilib. "Va turmush o'rtig'imga… hayotimdagi eng katta sharaf sening rafiqang bo‘lishimdir. Sen bizning chiroyli va mukammal o‘g‘illarimiz – Say, Boui va Zen uchun oy nurini osib qo‘ygansan."

Saldanya nutqining yakunida bu g‘alabasini buvisiga bag‘ishladi.

"Buvim 1961-yilda bu mamlakatga kelgan. Men esa mehnatkash va oriyatli muhojir ota-onalarning faxrli farzandiman. Shuningdek, men Akademiya mukofotini qo‘lga kiritgan dominikanlik birinchi amerikalikman va oxirgisi bo‘lmasligimni ham bilaman," dedi u. "Men ispan tilida kuylash va so‘zlash imkoniyatini bergan rol uchun mukofot olayotganimni o‘ylasam, buvim tirik bo‘lganida nihoyatda xursand bo‘lardi. Bu mukofot – buvimga bag‘ishlanadi."

P/s: "Mommy" deb buvisini aytgan ekan boya tadbirda)