Jizzax viloyati ichki ishlar boshqarmasi tashabbusi bilan Forish tumanida avtomobillarga siqilgan gaz quyish shoxobchasi xodimlari tomonidan tabiiy gaz o`g`irlanishiga oid jinoyat muhokamasi o`tkazildi. Tuman markazida sektorlar rahbarlari, huquqni muhofaza qiluvchi organlar va kommunal sohalar vakillari hamda aholi ishtirokida o`tkazilgan tadbir avvalida sodir qilingan qonunbuzarlik tafsilotlari bayon qilindi.
Ma’lum bo`lishicha, “Oybek” nomli mahallada joylashgan avtomobillarga siqilgan gaz quyish shoxobchasi mansabdor shaxslari 2020 yildan joriy yilning birinchi yarmiga qadar qariyb 8 yarim milliard so`mlik tabiiy gazni o`g`irlik yo`li bilan talon-toroj qilishgan. Muhokamada sodir etilgan jinoyatning sabab va omillari atroflicha tahlil qilindi.
Muhokamada Jizzax viloyati ichki ishlar boshqarmasi boshlig`i, general-mayor G`ayrat Qodirov so`zga chiqdi.

Website | Telegram | Facebook | Youtube