Forish tumani hokimligi

FORISH TUMANIDA QISH MAVSUMINI BETALOFAT O'TKAZISH YUZASIDAN PROFILAKTIK TADBIRLAR OLIB BORILMOQDA

📌 Forish tumani favqulotda vaziyatlar bo‘limi xodimlari mahallalarda aholi xonadonlarini 2025-yil qish mavsumiga tayyorgarligini o‘rganish, qish mavsumida is gazidan zaharlanishning oldini olish, turli yong‘inlar va ko‘ngilsiz hodisalarning oldini olish maqsadida targ‘ibot tushuntirish ishlarini olib borishmoqda.

🔹 Targ‘ibot tadbirlari davomida aholi xonadonlaridagi isitish pechlari va moslamalari, ularning dudburunlari ko‘zdan kechirilyapti. Tadbirlarda xonadonlar ko'zdan kechirilib, fuqarolarga isitish pechlari hamda elektr jihozlaridan xavfsiz foydalanish, ularni xavfsizlik qoidalariga rioya qilgan holda o'rnatish tushuntirib o'tilmoqda. Aniqlangan kamchiliklar bo‘yicha xonadon egalariga tegishli ko‘rsatmalar berilayapti.

🔸 Shuningdek, aholi o‘rtasida sodir bo'lishi mumkin bo'lgan favqulodda vaziyatlar, yong'inlar, is gazidan zaharlanish va gaz-havo aralashmasining chaqnashi, botulizm bilan bog'liq baxtsiz hodisalarni oldini olish bo‘yicha tushuntirish targ‘ibot ishlari olib borilayapti.

Forish tuman hokimligi axborot xizmati.

“OQTOM” MAHALLASINI OBODONLASHTIRISH, BO‘YICHA TEGISHLI KO‘RSATMALAR BERILDI

♻️ Ma’lumki, ayni kunda Forish tumani 3-sektor hududidagi “Oqtom” mahallasida “Obod mahalla – obod ko‘cha – obod xonadon” dasturi doirasida mahallani obodonlashtirish, infratuzilmasini yaxshilash, mahalla qiyofasini o‘zgartirish borasida ishlar davom ettirilmoqda.

➡️ Forish tuman hokimi Ikrom Matiyev “Oqtom” mahallasida bo‘lib, mahallada “Obod mahalla, obod ko‘cha, obod xonadon” dasturini amalga oshirish, mahallani obodonlashtirish, hovli-joylarni tartibga keltirish yuzasidan navbatdagi shtab yig‘ilishini o‘tkazdi.

♻️ Muhokama yig‘ilishida mahallani obodonlashtirish, infratuzilmasini yaxshilash, aholi xonadonlarida amalga oshiriladigan ishlar yuzasidan tegishli mas’ullarga zarur topshiriq va ko‘rsatmalar berildi.

Xonadonlarni obodonlashtirish, hovli joylarni tartibga keltirish, turli chiqindilarni ko‘chaga emas, belgilangan joylarga tashlash, oilaviy tadbirkorlikni yo‘lga qo‘yish, tomorqani rivojlantirib o‘zini o‘zi band qilish, oilada chorvachilik, quyonchilik, parrandachilik va boshqa daromadli sohalarni yo‘lga qo‘yish bo‘yicha tushuntirishlar ham berib o‘tdi.

➡️ Shuningdek, yig‘ilishda har bir korxona, tashkilot, muassasalar rahbarlariga belgilangan ishlarni o‘z vaqtida sifatli amalga oshirish yuzasidan zarur topshiriq va ko‘rsatmalarni berdi.

♻️ Sustkashlikka yo‘l qo‘yayotgan ayrim rahbarlar faoliyati tanqid qilindi.

Forish tuman hokimligi axborot xizmati.