Bizda o‘qituvchi yuklamasi shu darajada betayinlarcha yuqoriki, bu bilan ne-ne orzu umidlar bilan 4 yil o‘qib bitirgan, o‘quvchilarga bilim beraman deb kirgan "svejiy" xodimni ham bir haftadayoq burnidan buloq qilib, pushaymonlar qilib tashlashga qurbimiz ham, imkoniyatimiz ham yetadi. Bu uchun bizning hammasini o‘ylab, har tomonlama nomukammal ishlab chiqqan taʼlim tizimimizning bemalol kuchi yetadi. Yana bir gap, O‘zbekistonda informatika o‘qituvchisi bo‘lishni tanlash — xayotingga o‘zing uchun o‘qilgan bir umrlik qamoqdan battar jazodir, yaʼni, sobit-ul sayyorada sudya o‘zing, aybdor o‘zing:

"Assalomu alaykum, uzr bezovta qildim. Bir narsa soʻramoqchi edim.
Men yaqinda bakalavrni tamomlab, unga bor, bunga bor yugur-yugurlardan zoʻrgʻagina uyimdan ancha olisda, 2 ta taksiga chiqib boradigan maktabdan ish topgandim, 4 soat informatikadan dars.
Endi bollarni oʻqitib, oʻzim ham kasbiy sertifikatga va magistratura uchun til sertifikatiga tayyorlanaman, deb ishtiyoq bilan maktabda ikki haftani oʻtkazgandimki, 5tashabbus.uz ga maktabdagi hamma oʻquvchini kiritish shart va buni informatiklar bajaradi deyishdi. Sayt ishlasa ham mayli edi, 3 kundan beri yuklamalarni koʻtarolmay ishlamayapti, kechasi kunduzi qiladigan ishim faqat shu. Buni tugatgandan keyin ailiders.uz degan saytdan ham har bir oʻquvchiga sertifikat olish shart ekan. Savolim: Bu narsalar oʻzi qanchalik kerak? Oʻquvchilar hatto bilmaydi ham nimaligini, qiziqmaydi ham. Yana har yili takror va takror shu hol qaytalanarkan.
Men yosh ona, yangi hodim sifatida qaysi biriga ulgurishni va qachon bollarga taʼlim berish uchun bor eʼtirborim va energiyamni keraksiz narsalarga sarflashdan toʻxtatish mumkinligini bilolmay qoldim."

Uzr singlim, bu savolingizga menda tugul butun boshli vazirlikda ham javob yo‘q, javob bo‘lganida biron yo‘lini shu paytgacha topib, informatiklar ham hamma qatori o‘qituvchi ekanligini taʼminlab qo‘yishgan bo‘lardi. Nima ham derdim, faqat yig‘lamagin aybim nima deb, aybing seni onang informatik qilib tuqqan... 🥹🥹😭

@domlajon
t.me/domlajon