Erkinov Ollohyor

Eldor Shomurodov ertalab muhim oʻyinda muhim golni urganini oʻqib qandeydir kayfiyatim koʻtarilib ketdi. Ayniqsa oxirgi vaqtlar hech kim ishonmay qoʻygandi va hatto Roma ham sotib yubormoqchi edi. Ammo u kerakli paytda qaytoldi va oxirgi 3 ta oʻyinni yondirib tashladi. 🔥🔥🔥

Shomurodov uchun xursandman
Forsa Shoma 🇮🇹

Ba'zi qoʻshiqlarda 3 minut haddan ziyod koʻpdek tuyuladi va toʻliq eshitolmaysiz, ba'zilarida esa ma'lum bir joylarigina yaxshi boʻladi va oʻsha joylari uchun qolgan sayoz qismlarini ham tinglashga majbursiz.

Ammo bu qoʻshiqda 5 minut huddi bir lahzadek tuyuldi va har bir joyi esa oʻzgacha tuygʻu berdi.

Adelni nega faqat bir-ikkita qoʻshigʻi bilan tanishadi hayronman, zotanki uning tanilmagan oʻnlab shoh asarlari bor ekan.

Bir necha yillik Telegram tarmoqlari foydalanuvchisi sifatida shuni aytolamanki, Telegramning proksi versiyalari: Pluss Messenger, Telegraph, Aka, TeleVPN va boshqa mayda-chuydalar orginal versiyasidan funksional jihatdan koʻproq imkoniyatlarga ega boʻlmasin, baribir haqiqiy, official Telegram eng tez ishlaydigani va eng xavfsizi ekan.

Men Premium sotib olganimdan keyin Pluss Mda oʻzimni premiumdagidek his qilmadim, sababi videolar ochishi oʻsha-oʻsha sekin, dasturga kirsam 20 sekund atrofida hamma narsalarimni koʻrsatishini kutishim, bu oʻz-oʻzidan asabimni oʻynaydi va vaqtimni oladi. Ayniqsa muhim narsalarni olishim kerak boʻlganida, bu boshqalar oldida meni noqulay ahvolga solib qoʻyadi.

Keyin bilsam, Premiumni orginal Telegramda ishlatish kerak ekan, shunda rostmana katta farqni sezar ekansiz. Ammo dastur egalari haqiqiy Telegramning imkoniyatlarini kengaytirishlari va sozlamalariga qoʻshimcha imkoniyatlar qoʻshib, boshqa Telegram proksilarining muhim detallarini oʻzlariga olishlari kerak. Shunda odamlar har xil "mini telegramchalar"ga emas, haqiqiysiga murojaat qilishadi.

Orginal Telegram qanchalar tez va xavfsiz boʻlmasin, bir qator noqulayliklarga ega va hali hamon oʻz proksilari berayotgan qoʻshimcha qulayliklarni berolmayapdi.

𝙴𝚁𝙺𝙸𝙽𝙾𝚅 🔂| Vote for channel

Men atay, youtubedan videolar koʻrib, maqolalar oʻqib, uning oʻlimi bilan bogʻliq eng gʻalati detallardan eng ishonchlilarini olib keldim. Albatta oʻqing.

🇵🇭 Filippin, Limasawa Island

Bu joyni qayergadir yozib oling va bir kuni albatta boring. Men shunday qildim.

𝙴𝚁𝙺𝙸𝙽𝙾𝚅 🔂| Vote for channel

𝙴𝚁𝙺𝙸𝙽𝙾𝚅 🔂| Vote for channel

Ba'zida oʻylab qolaman, Tramp balki Amerikani inqirozga olib kirish, NATOni parchalash va Yevropani zaiflashtirish uchun yuborilgan josusdir. U batamom bir tomonlama, oxiri oʻylanmagan va judayam sodda, noprofessional siyosat olib boryapdi (doimgidek).

Axir qanday qilib inson bunday ochiq-oydin va natijasi falokatli xatolarni befarqlarcha qilishi mumkin? Qanday qilib inson oʻz Vatanini bunchalar yomon koʻrishi va indamay notoʻgʻri yoʻlga boshlashi mumkin?

Men yosh miyam bilan bularni qabul qilolmayapman, Washingtonda esa, mendan ming marta aqlliroq insonlar bor va nahotki ular bunga koʻnishsa?

Trampning rahbarligi - insoniyat uchun orqaga qadam.

#politics #menimcha

𝙴𝚁𝙺𝙸𝙽𝙾𝚅 🔂| Vote for channel

🇺🇸 BANAN IMPERIYASINING BOSHLANISHI

Trampning agressiv proteksionizmi (import bojxona to‘lovlarini keskin oshirish) dollarning qadrini mamlakat ichida tushishiga olib keladi, ya'ni inflyasiya o‘sish sur'atlarini oshiradi. Chunki import qimmatlashadi va ichki mahsulotga talab keskin oshib, narxlar ko‘tariladi. Bu esa ish haqi o‘sishiga ham olib keladi. Ish haqining o‘sishi esa yana narxlar o‘sishiga sabab bo‘ladi. Mehnat muhojirlarining agrosanoat, qurilish, xizmat ko‘rsatish sohalarida keskin kamayishi oqibatida iqtisodda salbiy ta'sir ko‘rsatmay qo‘ymaydi.

Boshqa tarafdan, AQShdan dollar jahon bozorlariga savdo orqali tushishi kamayadi, dollar hajmi qisqaradi, unga talab oshib, dollar kursi ko‘tariladi. Savdo urushlari amaliyoti natijasida ko‘pgina real bozorlarda muqobil to‘lov vositalariga o‘tish kuzatiladi: bu esa yana dollar mavqeining tushishiga sabab bo‘ladi. Dollar inflyasiyasi albatta boshqa valyutalar inflyasiyasini kuchaytiradi, jahon va milliy iqtisodiyot yana bir inqirozga kirib boryapti.

Albatta Tramp bunday o‘ylamaydi. Trampcha: savdo urushlarida AQSh g‘olib bo‘ladi, g‘oliblik esa iqtisodiy ustunlikni kafolatlaydi. U proteksionizm ichki ishlab chiqarishni kuchaytiradi, bu ish o‘rinlari ta'minotiga va aholi daromadining o‘sishiga olib keladi deb o‘ylaydi. Bu nihoyatda tahlikali qadam. O‘z milliardlari va reputasiyasini tikishga o‘rganib qolgan biznesmen endi butun mamlakat iqtisodiyoti, ijtimoiy-siyosiy tuzumni va jahondagi nufuzini o‘ta xavfli o‘yinga tikib yuboryapti.

Bulardan tashqari Trampning asosiy raqibi bu AQShning yuz yillar davomida shakllanib kelgan "checks and balance" (cheklovlar va muvozanatlar) tizimidir. Agar uni bosqichma-bosqich yo‘qota boshlasa, bu yangi AQSh bo‘ladi, u aytayotgan "Eski Ulug‘ Amerika" emas. Paradoks shuki, u respublikachilar partiyasi bayrog‘i ostida kelib, aynan aksil-respublikachi siyosat olib boradi. Tramp gigant Banan-Respublikasining otasiga aylanmoqda. Bu banan respublikasi banan imperiyaga aylanadimi-yo‘qmi, paydo bo‘ladigan ichki nizolar natijasi ko‘rsatadi.

Hozirdan ma'lumki, u va uning atrofidagilar yangi avlod kadrlar tabaqasini shakllantira boshladi. Ular respublikachi g‘oyalarga ishongan kadrlar emas, balki yuqoridagilar nima desa shuni to‘g‘ri deb ma'qullaydigan funksionerlardir. Ayrimlari ko‘r-ko‘rona robotga o‘xshab harakat qilsa, ayrimlari o‘z sadoqatini ko‘rsatib "o‘z o‘yinini" olib boradi. Qarabsizki, "korrupsiya, xush kelibsan!".

Tramp bu o‘z jamiyatining mahsuli, ertami-kechmi shunday odam kelib qolishi muqarrar edi. Eski iqtidor odamlari va ziyoli elita o‘zlari o‘z g‘oyalariga xizmat qila olmay, qandaydir postmodern o‘yinlariga berilib ketib, xalqidan uzoqlashib qolgandi. Xalq esa uzoqni o‘ylamay, faqat bugungi kun tashvishi bilan yashaydi, siyosiy qadriyatlar tizimining buzila boshlaganini payqamay qoladi. Yana e'tibor bering, Tramp o‘z o‘g‘lini tez-tez namoyish qilyapti. O‘zi keyingi muddatga nomzodini qo‘yishi mumkin (bunga qonuniy cheklov yo‘q), bir amallab ikki muddat turib bersa, o‘g‘li saylovga tayyor bo‘lib qoladi. Haqiqatda qanday va nima bo‘ladi, noma'lum, lekin uning fikrlash tarzini shundan payqasa bo‘ladi.

Keyingi ikki-uch yilda AQShda diktatura, avtokratik yondashuv, fuqarolik nizolari, separatizm kayfiyatlarini to‘la qonli ko‘rinishida yoki ularning alomatlarini tez-tez ko‘ramiz deb o‘ylayman. Ko‘p narsani yosh avlod xal qiladi. Uning ota-onalari 2001 yil 11 sentyabrdan keyin kelgan ko‘p aksil-demkoratik choralarga rozi bo‘lgan edi (anti-terror urushi bahonasiga ishonib). Yosh avlod Trampga ovozini berganligini ham ko‘rdik. Ammo qanchalik bu ishonchini saqlay oladi, vaqt ko‘rsatadi. Saqlay olmaganda, qanchalik qarshi chiqish qila oladi, bu ham katta savol. Yangi avlodning "Katta Banan Imperiya"ga rozi bo‘lishi ehtimoli ham yo‘q emas, chunki loyiq bo‘lganingga rozi bo‘lasan.

#post #politics #usa #twitterdan

𝙴𝚁𝙺𝙸𝙽𝙾𝚅 🔂| Vote for channel

Notavonlikda tugʻilib, ulugʻvorlikka koʻtarilgan, taqdirning barcha bevafoliklariga hukm qilingan, barcha fuqarolarini oʻz devorlari tashqarisida koʻrgan; butun Italiya va yer sharining ma'lum bir qismini oʻz devorlari ichiga olgan Rimda xalq yigʻinlarini tashkil etuvchi fuqarolar soni aniqlab olinmagan edi va aynan shu noaniqlik uning qulashini vujudga keltirgan muhim sabablardan biri boʻldi.

#post #politics #kitobdan

Uygʻurlar masalasi ayni damda har qanday millat fojealaridan koʻra jiddiyroq deb oʻylayman.

Sababi, koʻz oldimizda butun boshli millat yoʻq qilinmoqda. Boʻlgandayam, oʻzbeklarga eng yaqin millat.

Afsuski, ayni damda oʻz elatdoshlarimizga hech nima qilolmaymiz. Ham iqtisodiy, ham siyosiy jihatdan qoʻllarimiz bogʻlangan. Ammo hech boʻlmasa xalqaro maydonda bu muammoni koʻtarish orqali Xitoyning uygʻurlarga nisbatan etnosidini pasaytirishimiz yoki Xitoy bilan kelishgan holatda qanchadir miqdorda uygʻurlarni Oʻzbekistonga olib kelib, ularga uy, joy, non berishimiz va bu orqali sof uygʻur genini asrab qolishimiz mumkin.

Biz hatto hozirgi zaif holatimizda ham bu genni saqlab qolishga imkonimiz mavjud.

Agarda saqlab qololmasak va uygʻur geni 22-asrga oʻtmasa, biz oʻz farzandlarimizga qaysi koʻz bilan qaraymiz? Ularga oʻzimizdagi sharmandali ojizlikni qanday bayon qilamiz? Farzandlarimiz tarix kitoblaridan bizning ojizliklarimizni oʻqib bizni hurmat qilolarmikin keyin?

Buni unutmasligimiz kerak.‼️


#post #politics

𝙴𝚁𝙺𝙸𝙽𝙾𝚅 🔂| Vote for channel