InfinBANK Тошкент марказида янги офисини очди
Янги офис учун 6 қаватли бино махсус қурилган бўлиб, у операцион марказ, бош офис, мажлислар зали ва ресторанни ўз ичига олади. Қулайлик учун ҳар бир қаватда ичимликлар бурчаги ташкил қилинган. Ходимлар эса аввалгидек кабинетларда эмас, Open Space амалиёти асосида лойиҳалаштирилган замонавий бўлмаларга жойлашишади.
Бу ўзаро мулоқот, янги ғояларни улашиш ва эркин муҳитни таъминлаш билан бирга иш жойидан янада самарали фойдаланиш ва қулай хизмат кўрсатишга ҳам ёрдам беради.
Янги офиснинг очилиш маросимида банк раҳбарияти, ҳамкорлар, ОАВ вакиллари ва блогерлар қатнашди. Тадбирда InfinBANK мижозларини мобил иловадаги ижобий ўзгаришлар, юридик шахслар учун янги хизмат турлари, кредит ва депозитлар бўйича қулайликлар кутаётгани маълум қилинди.
Янги бино Тошкент шаҳар, Мустақиллик кўчаси 17Б манзилида жойлашган бўлиб, мижозларни қабул қилиш жараёни 22 апрелдан бошланади.
Реклама
@platformauzb