OʻEP Farg'ona viloyat Kengashi

O'zbekiston Ekologik partiyasi Farg'ona viloyat partiya tashkiloti Kengashi Ijroiya qo'mitasining navbatdagi Kengash yig'ilishi bo'lib o'tdi.

📝Yig'ilishda Farg'ona viloyat partiya tashkiloti Kengashi Ijroiya qo'mitasi raisi viloyat Kengashi deputati R.R.Tojiyev,partiyaning barcha tuman va shahar tashkilotlari raislari, shahar va tuman Kengashi deputatlari, partiyaning yoshlar qanoti va Ekologiya va salomatlik ayollar kulubi vakillari hamda Kengash aʼzolari ishtirok etdi, yig'ilish jarayonini O'zbekiston Ekologik partiyasi Farg'ona viloyat partiya tashkiloti Kengashi Ijroiya qo'mitasining raisi o'rinbosari Sh.Karichayev olib bordi.

Yig'ilishning asosiy mavzusi bo'lgan “Oʻzbekiston – 2030” strategiyasi va “Atrof muhitni asrash va "Yashil" iqtisodiyot yili” Davlat Dasturi doirasida amalga oshirishga doir masalalar, ayniqsa atrof-muhitni asrash va yashil iqtisodiyot yo'nalishlari, Kengash yig'ilishining eʼtibor markazida boʻldi. Kengash a'zolari, shuningdek, “Atrof-muhitni asrash va yashil iqtisodiyot” yilida amalga oshiriladigan chora-tadbirlar va ularning partiya faoliyatidagi o'rni haqida o'z fikrlarini bildirib oʻtdilar.

Deputatlar va partiya guruhlari bilan ishlash bo'yicha rais o'rinbosari A.Ermatov mahalliy Kengash deputatlarining faoliyati va deputatlik guruhlari bilan ishlash jarayoni haqida atroflicha maʼlumot berib, partiyaning hududiy tuman va shahar raislari tomonidan deputatlik guruhlari bilan o'zaro hamkorlikni yanada kuchaytirish, faoliyatni yanada samarali tashkil etish zarurligini ta'kidladi.

✅Yig'ilishda, shuningdek, Ball tizimi bo'yicha tanqidiy tahlil ham o'tkazildi. Ball tizimi – partiya tashkilotining samaradorligini va amalga oshirilgan ishlarni baholashda qo'llaniladigan muhim mexanizm bo'lib, bu borada hamkorlikni yanada kuchaytirish va mavjud kamchiliklarni bartaraf etish zarurati ta'kidlandi.

✅Tuman va shahar raislari o'z fikrlarini bildirib, hududlarda ekologik tizimni saqlash va yashil iqtisodiyotga o'tish jarayonida yuzaga keladigan muammolarni hal etishga qaratilgan takliflar bilan chiqishdi.

✅Kengash yig'ilishining yakunida, barcha muhokama qilingan masalalar asosida tegishli qarorlar qabul qilindi. Ushbu qarorlar, shuningdek, partiyaning eng dolzarb ekologik vazifalarini amalga oshirishni ta'minlashga, atrof-muhitni saqlashga qaratilgan sa'y-harakatlarni kuchaytirishga, va yashil iqtisodiyotning rivojlanishiga xizmat qiladi.
Telegram