O'zbekiston Ekologik partiyasi

Ekologik madaniyat ayollar orqali jamiyatga teranroq kirib boradi

Bugun O‘zbekiston Ekologik partiyasi Markaziy Kengashi Ijroiya qo‘mitasida “Davlat dasturining mazmun-mohiyatini keng jamoatchilikka yetkazishda siyosatchi ayollarning o‘rni” mavzusidagi davra suhbati o‘tkazildi.

Unda so‘zga chiqqan partiya rahbari Abdushukur Xamzayev, ekologik madaniyat ayollar orqali jamiyatga teranroq kirib borishini ta’kidlab o‘tdi.

— Onalar, umuman ayollar zimmasidagi eng katta mas’uliyat tarbiya deb qaraydigan bo‘lsak, ularning har bir oilada ekologik madaniyatni shakllantirishdagi o‘rni beqiyos. Ona allasiga singgan asriy qadriyatlar, tabiatni asrash burchi, atrof-muhitga onadek munosabatda bo‘lish – bularning barchasi ayollarimiz orqali jamiyatimizga yanada chuqurroq kirib boradi, — dedi A.Xamzayev.

Shuningdek, Oliy Majlis Qonunchilik palatasi deputati, O‘zbekiston Ekologik partiyasi fraksiyasi a’zosi Mohira Xodjayeva, davlat dasturida belgilangan qator vazifalarning mamlakatimiz, jamiyatimiz hayotida naqadar muhim ahamiyatga ega ekanligi xususida so‘z yuritdi.

Suhbat so‘nggida davlat dasturidagi vazifalarni bajarilishida ayol siyosatchilarning o‘rni haqida tushuntirish va tavsiyalar berildi.

✅Facebook | 🌐Instagram |🌐 Web site | 📹You Tube

#Uchrashuv

Talaba-yoshlar bilan ochiq muloqot

Xalqaro innovatsion universitetida O‘zbekiston Ekologik partiyasi Qashqadaryo viloyat Kengashi faollari, universitetning professor-o‘qituvchilari hamda talaba-yoshlar ishtirokida ochiq muloqot bo'lib o'tdi.

So‘zga chiqqanlar mavjud ekologik muammolar haqida gapirib, 2025-yilning “Atrof-muhitni asrash va “yashil” iqtisodiyot yili” deb nomlanishi mamlakatimizning barqaror rivojlanishi, yuzaga kelgan ekologik muammolarni hal qilish orqali iqtisodiy o‘sishni ta'minlashga qaratilgan bir necha muhim omilga asoslanganini aytishdi.

Muloqotlar jarayonida talabalar tomonidan sohaga oid savollar o‘rtaga tashlandi va ekologik muammolarning oldini olish, ularni bartaraf etishga qaratilgan qator takliflar ilgari surildi.

✅Facebook | 🌐Instagram |🌐 Web site | 📹You Tube

Ekopartiya deputati tadbirkor bilan uchrashdi

Oʻzbekiston Ekologik partiyasi Yangibozor tuman Kengashi tomonidan tumanda faoliyat yuritib kelayotgan "Yangibozor Innovatsiya Tomorqa xizmati" MChJ faoliyati, issiqxonada parvarish qilinayotgan poliz ekinlarining holatini oʻrganildi.

Tadbirkorga issiqxona faoliyatida atrof-muhitga zarar yetkazmaydigan texnologiyalardan foydalanish bo’yicha ko’rsatma va tavsiyalar berildi.

Bu kabi tadbirkorlik faoliyati nafaqat sifatli va ekologik toza mahsulot yetishtirishga, balki aholi bandligini ta’minlash hamda mamlakatimiz qishloq xo‘jaligi salohiyatini oshirishga xizmat qiladi.

✅Facebook | 🌐Instagram |🌐 Web site | 📹You Tube

Daraxt ekish aksiyasi boshlandi!

O‘zbekiston Ekologik partiyasidan saylangan Xalq deputatlari Andijon shahar Kengashi tomonidan hamkor tashkilotlar bilan birgalikda pedagogika texnikumida "Yashil makon" umummilliy loyihasi doirasida daraxt ekish aksiyasining bahorgi mavsumiga tayyorgarlik ishlari boshlab yuborildi.

Aksiyada mutasaddi xodimlar, ekofaol o‘quvchilar va texnikum jamoasi faol ishtirok etishdi. Ular texnikum hududiga 250 tup mevali daraxt ko‘chatlarini ekib, atrof-muhitni yanada ko‘kalamzorlashtirishga o’z hissalarini qo‘shdilar.

Ushbu ezgu ish nafaqat hudud ekologiyasini yaxshilash, balki yoshlarda tabiatga mehr va e’tibor uyg‘otishga xizmat qiladi.

✅Facebook | 🌐Instagram |🌐 Web site | 📹You Tube