"CHORGUMBAZ" 🕌 KANALiii"'"

РАМАЗОНДА ДАНГАСАЛИКДАН ҚАНДАЙ ҚУТУЛАМИЗ?

Суннатлардан бири Рамазон билан хурсанд бўлиш ва бу шукуҳни, хурсандчиликни бошқаларга ҳам улашишдир. Рамазон саховат, силаи раҳм ва одамгарчилик ойидир. Мабодо кимдир Рамазоннинг тоат-ибодатларига дангасалик қилса, кечалари қоим, кундузлари соим бўлиш унга оғир келса, устозларимиз бунинг муолажасини баён қилганлар.
Руҳий тарбия машойихларидан Шайх Ҳабиб Умар ибн Ҳафиз “Рамазон ойида тоат-ибодатларга тўсқинлик қиладиган дангасаликдан қутулиш”  деб аталадиган бир қатор дарсликлар ёзганлар.
У киши айтадилар: «Аллоҳ таолонинг буюк исми ҳисобланган “Аллоҳ” лафзини такрор-такрор айтиб юриш дангасаликдан қутулишга ёрдам беради. Инсон хотиржам бўлиб, муҳаббат билан “Аллоҳ” деб кўп такрорлаши керак. Зотан, Нақшбандия тариқатининг энг машҳур зикри ҳам шудир. Иккинчиси, Қуръони каримнинг Ҳашр сурасида:

  هُوَ اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ

“У Ундан ўзга илоҳ йўқ бўлган Аллоҳдир. У ғайбни ҳам, шаҳодатни ҳам билувчидир. У ўта меҳрибондир, ўта раҳмлидир” (Ҳашр сураси, 22) оятини юз марта ўқиб “Аллоҳ” лафзини такрорлаган инсондан дангасалик кўтарилади” дейдилар. Уламоларимизнинг бу тавсияларини эслаб ўтаётганлигимизнинг сабаби, Рамазон дангасаликни кўтармайди. Рамазон ойини ухлаб, кераксиз ишлар билан машғул бўлиб ўтказиб юбормайлик. Рамазон дуолар қабул бўладиган, жумла яхшиликлар жам бўлган ойдир. Уламоларимиз ўн бир ойнинг орасида келадиган Рамазон ойини Қуръони Каримда қиссаларнинг энг гўзали бўлган Юсуф алайҳиссалом қиссасига ўхшатадилар. Айтадиларки: “Ўн бир ойнинг Ичида бўлган Рамазон, ўн бир ака-уканинг ичида бўлган Юсуфга ўхшайди. Юсуфни ўлдирманглар, Рамазонни ўлдирманглар. Юсуфни қудуққа ташламанглар, Рамазонни ҳавога совурманглар. Юсуфни арзон баҳога сотманглар, Рамазонни беқадр қилманглар. Юсуфнинг ҳурматини жойига қўйинглар, Рамазоннинг ҳам ҳурматини жойига қўйинглар. Шояд Аллоҳ бизга манфаат берса!».
Балки биз Рамазондан энг катта манфаатни олармиз. Ёки ҳисоб куни бизга Рамазон шафоатчи бўлса ва гуноҳларимизни кечиришини Аллоҳ таолодан сўраса ажабмас.
Рамазон ана шундай улуғ ойдир. Бу ойни беҳуда нарсалар билан машғул бўлиб ўтказиб юбормайлик.

#Дуо

Аллоҳим, Ўзинг Роҳман ва Роҳийм, Карийм ва Аъзийм Зотсан! Шу сифатларинг ила ота-оналаримизга раҳм эт ва гуноҳларини кечир!

Аллоҳим, Ўзинг Вадуд, Барр, Ҳайй ва Қойюм, Фаттоҳ Зотсан! Ҳар онимизни Сенга маҳбуб бўлган амал ила ўтказмоқликни насиб айлагин!

Аллоҳим, Ўзинг Ғоний, Муғний, Роззоқ Зотсан! Шу сифатларинг ва муборак соатлар фазли ила хонадонларимизга барокат,  қалбимизга хотиржамлик,  ризқимизга кенглик ато эт!

Аллоҳим,  Ўзинг Афв, Таввоб, Ғаффор бўлган Зотсан! Шу муборак  куннинг ҳурмати ва раҳматинг ила тавбаларимизни қабул айлаб,  гуноҳларимизни мағфират қилгин!

Аллоҳим, Ўзинг Ваҳҳоб, Ҳакийм, Маннон ва Ҳаннон Зотсан! Ҳузурингдан келажак неъматларни ёмон амалларимиз сабаб тўхтатиб қўймагин... Ўзинг кўплаб ато этгувчи Буюк Парвардигоримизсан!

Сенгагина ибодат қиламиз!
Сендангина ёрдам сўраймиз!

Рамазон фазилатли ой

📜 Расулуллоҳ соллаллоҳу алайҳи васаллам: "Саҳарлик қилинглар, саҳарликда барака бор", дедилар.

Имом Бухорий ва Муслим ривояти.

▫️“Саҳарлик қилинглар”даги фойдалар ҳақида Ибн Ҳажар  раҳимаҳуллоҳ айтадилар: “Саҳарликдаги барака бир неча жиҳатларда ҳосил бўлади. Улар: 
1. Суннатга эргашиш.
2. Аҳли китобга хилоф бўлиш.
3. У ила ибодатда тақво қилиш.
4. Ҳаракат ғайратни ортиши.
5. Очлик  келтириб чиқарадиган ёмон ҳулқни даф қилиш.
6. Ижобат вақтида дуо ва зикр қилишга сабаб бўлади.
7. Ғофил қолган кишининг рўза нияти қилишга тайёрланиб олиши".  “Фатҳул Борий”дан.

хайрли тун азизлар