🏆CHOPSTTM

SAYYOR QABUL

Siz tadbirkor, ishbilarmonsiz, rejalaringiz ko‘p, ammo, uni amalga oshirishga qulay manzil qidiryapsizmi? Unda bu imkoniyat aynan Siz uchun!

Vazirlar Mahkamasining 30.10.2024 yildagi 720-sonli “Davlat-xususiy sheriklik sohasini yanada takomillashtirish hamda kampleks tizimlashtirish chor-tadbirlari to‘g‘risida”gi qarorida belgilangan vazifalari ijrosi yuzasidan Toshkent viloyatida Davlat-xususiy sheriklik asosida sport obyektlarini yaratish va ijaraga berish bo‘yicha chora-tadbirlar amalga oshirish belgilangan.

Shu munosabat bilan, Toshkent viloyati hokimining sport sohasini rivojlantirish boʻyicha hududiy sektor vakillari bilan uchrashuv boʻlib oʻtadi.

24-fevral soat 10:00 da Toshkent viloyati Chirchiq shahrida joylashgan Olimpiya va paralimpiya sport turlariga tayyorlash markazida boʻlib oʻtadigan ushbu sayyor qabulga barcha tadbirlarni taklif qilamiz.

https://t.me/toshvil_sport

Toshkent viloyati hokimi Zoir Mirzayev Chirchiq Olimpiya va paralimpiya sport turlariga tayyorlash markazida boʻlib, markaz faoliyati hamda Milliy Olimpiya qoʻmitasi Toshkent viloyati boʻlimi binosi bilan yaqindan tanishdi.

Viloyat hokimi dastlab markazda yangidan bunyod etilgan suzish havzasi, ogʻir atletika va kurash zallari shuningdek, Milliy Olimpiya qoʻmitasining Toshkent viloyati boʻlimi binosini koʻzdan kechirdi.

Hokim ushbu obyektlarni koʻzdan kechirar ekan bunday yaratilgan imkoniyatlarni samarasi boʻlishi, yosh sportchilarni natijadorligi boʻyicha jiddiy eʼtibor qaratish kerakligi haqida taʼkidladi.

Shuningdek, Zoir Mirzayev murabbiylar bilan uchrashib, yosh sportchilarni toʻgʻri tarbiyalash, ularni natijadorligini oshirish, seleksiya ishlarini jadallashtirish, murabbiylarni malakasini oshirishda chet el tajribasi asosida ishlar olib borish zarurligini bildirdi.

https://t.me/TOSHVIL_SPORT

#Kun_tartibi

Bugun shahar hokimligining majlislar zalida Chirchiq shahar hokimi Murodjon Abdurahimov boshchiligida sektor rahbarlari ishtirokida tanqidiy yigʻilish tashkil etildi.

Yigʻilishda viloyat darajasida koʻtarilgan masalalar boʻyicha shaharda amalga oshirilayotgan ishlar tahlil qilindi. Har bir yoʻnalishda mavjud muammolarga alohida toʻxtalib oʻtildi va mas'ullarga aniq vazifalar yuklatildi.

Jumladan, mahalla fuqarolar yigʻinlari binolarini ta'mirlash va kerakli hujjatlarni rasmiylashtirish borasida mavjud kamchiliklar muhokama qilindi. Shuningdek, jismoniy tarbiya va sportni ommalashtirish boʻyicha amalga oshirilayotgan ishlar koʻrib chiqildi, bu borada tashkilotlar faoliyatini kuchaytirish zarurligi ta'kidlandi.

Yigʻilishda kommunal tashkilotlarning debitor qarzdorligini qisqartirish boʻyicha amalga oshirilayotgan ishlar samaradorligi ham koʻrib chiqildi. Shaharda bu borada ayrim kamchiliklar borligi qayd etildi va mas'ullarga aniq topshiriqlar berildi.

Tanqidiy muhokamalar asosida mutasaddilarga aniq vazifalar belgilanib, belgilangan muddatlarda muammolarni hal etish yuzasidan hisobot berish talab qilindi.

💬 https://t.me/chirchiq_tongi_telegram_sahifasi