Sport vazirligi

Ertadan “Besh tashabbus olimpiadasi" doirasida sportning shashka turi bo‘yicha musobaqalarga start beriladi

Yurtimizda ertadan boshlab, ya’ni 11-13 mart kunlari mahallalarda istiqomat qiluvchi yoshlar o‘rtasida "Besh tashabbus olimpiadasi" doirasida sportning shashka turi bo‘yicha musobaqalarning mahalla bosqichi boshlanadi.

Siz yashayotgan mahallangizda ushbu musobaqalar aniq qaysi sanada va oʻtkazilish manzili bo'yicha batafsil ma’lumotni mahallangizga biriktirilgan sport murabbiysi va yoshlar yetakchisiga murojaat qilgan holda aniqlashtirishingizni tavsiya etamiz.

Ma'lumot o'rnida 2025 yilda shashka musobaqasiga 500 mingga yaqin yoshlar (o'tgan 2024 yilda 334 ming nafar yoshlar) ishtirok etish istagini bildirgan.

Web-Sayt | Telegram | Facebook | Instagram | Youtube

Chirchiqda karate WKF bo‘yicha viloyat kubogi bahslari o‘tkazildi

📍Toshkent viloyatining Chirchiq shahrida joylashgan O‘zDJTSU manejida karate WKF bo‘yicha kichik o‘smirlar va o‘smirlar o‘rtasida Toshkent viloyati kubogi musobaqasi bo‘lib o‘tdi.

📑Toshkent viloyatining barcha tuman va shaharlaridan yig‘ilgan 300 nafardan ortiq o‘g‘il bolalar va qizlar g‘oliblik uchun bellashdi. Murosasiz o‘tgan bellashuvlarning yakuniy natijalariga ko‘ra:
🥇1-o‘rinni Bekobod shahri jamoasi,
🥈2-o‘rinni Toshkent tumani jamoasi,
🥉3-o‘rinni Yuqorichirchiq tumani jamoasi egalladi.

🏆G‘olib va sovrindorlar musobaqa tashkilotchilarining kubok, diplom va esdalik sovg‘alari bilan taqdirlandi.

Web-Sayt | Telegram | Facebook | Instagram | Youtube

Nuroniy velosportchi yangi marralar sari otlandi

Bugun yurtdoshimiz, nuroniy velosportchi Xursand Sherov 8- yakka veloyurishdagi ishtirokini boshlab, yangi manzil sari otlandi.

Poytaxtimizdagi "Birodarlik qabristoni" yodgorlik majmuasida o‘tkazilgan kuzatish tadbirida velosportchining muxlislari, nuroniylar, ommaviy axborot vositalari vakillari ishtirok etdi.

Xursand Sherov yurtimizda sog‘lom turmush tarzini keng targ‘ib etish, yoshlarni sportga qiziqtirish yo‘lida olib borilayotgan ishlarga o‘z hissasini qo‘shayotganligidan mamnun ekanligini bildirdi.

O‘tgan safar nuroniy velosportchimiz O‘zbekiston-Qozog‘iston-Rossiya-Mo'g'uliston davlatlari bo‘ylab “Buyuk Ipak yo‘li” deb nomlangan yakka veloyurishda ishtirok etgan bo‘lsa bu gal esa 3 800 kilometrdan ortiq masofa bosib, Qozog‘iston orqali Rossiya Federatsiyasiga yetib borishni mo‘ljallagan.

Tadbirda ishtirok etgan nuroniy otaxonlar Xursand Sherovning navbatdagi veloyurishiga omadlar tilashdi.

Web-Sayt | Telegram | Facebook | Instagram | Youtube

🏑Sportning chim ustida xokkey turi bo‘yicha O‘zbekiston chempionati bo'lib o'tdi
🗣Andijon viloyatining Andijon shahrida joylashgan sportning o‘yin turlari va yengil atletikaga ixtisoslashtirilgan sport maktabining chim ustida xokkey sport maydonida sportning chim ustida xokkey turi bo‘yicha erkaklar o‘rtasida O‘zbekiston chempionatining 1-tur musobaqasi bo‘lib o‘tmoqda.

📑Joriy yilning 5-10-mart kunlari bo‘lib o‘tadigan musobaqa jarayonlarida respublikamizning 6 ta viloyatidan kelgan 7 ta jamoa g‘oliblik uchun bellashishadi.

Web-Sayt | Telegram | Facebook | Instagram | Youtube

2025-yil davomida "Besh tashabbus olimpiadasi" doirasida
MAHALLA YOSHLARI oʻrtasida oʻtkaziladigan ommaviy sport musobaqalari KALENDAR REJASI bilan tanishing.

Web-Sayt | Telegram | Facebook | Instagram | Youtube

Farg‘ona viloyatining sport jamoatchilik vakillari Xitoy Xalq Respublikasida xizmat safarida

Farg‘ona viloyati delegatsiyasi Xitoy Xalq Respublikasi Guangdong provinsiyasi, Guanchjou shahrida joylashgan Olimpiya tayyorlash markazlari bilan sport sohasida hamkorlik aloqalarini o‘rnatish maqsadida tashrif buyurishdi.

Bunda, Guangdong provinsiyasi sportchilari dunyoda yetakchilik qilayotgan sport turlari bo‘yicha malakali mutaxassislarni Farg‘ona viloyatiga jalb qilish, qo‘shma o‘quv-mashg‘ulot yig‘inlari o‘tkazish, ularning tajribasidan foydalangan holda Los Anjeles-2028 yozgi olimpiya o‘yinlariga sport turlari bo‘yicha puxta tayyorgarlik ko‘rish maqsadida o‘zaro kelishuvlarga erishildi.

Qolaversa, Guangdong provinsiyasi va sport mutasaddilari hamda Farg‘ona viloyati hokimligi, Sport boshqarmasi rahbarlari o‘rtasida videoaloqa orqali muzokaralar ham bo‘lib o‘tdi.

Web-Sayt | Telegram | Facebook | Instagram | Youtube