Бухоро вилоят прокуратураси

#sayyor_qabul
#Buxoro_shahri

📍Avval xabar berganimizdek, bugun, 24-aprel kuni Buxoro shahridagi Kasbiy ko‘nikmalar markazi binosida viloyat hokimi Botir Zaripovning tadbirkorlar hamda tadbirkorlik faoliyati bilan shug‘ullanish istagida bo‘lgan fuqarolar, shuningdek, aholi vakillari uchun navbatdagi ommaviy sayyor qabuli bo‘lib o‘tdi.

⌛Unda nafaqat Buxoro shahri aholisi, balki viloyatimizning barcha hududlaridan kelgan fuqarolar o‘zlarini qiynayotgan masalalar bilan ishtirok etishdi.

💬Qariyb 10 soat davom etgan sayyor qabulda 235 nafar fuqarolar murojaati birma-bir tinglandi. Xususan, fuqarolarning kommunal soha, ishsizlikni bartaraf etish, davolanish, ishga joylashish, moddiy yordam, tadbirkorlik, qurilish va arxitektura, yer va uy-joy ajratish, sud-huquq masalalari atroflicha o‘rganildi.

✅Murojaatchilarning 150 nafarga yaqini shaxsan viloyat hokimi bilan yuzma-yuz uchrashib, muammolarini bildirdi.

❗️Fuqarolardan o‘zlarini qiynayotgan muammolardan tashqari ko‘pchilik manfaatiga xizmat qiladigan maktab va bog‘chalar qurish, yo‘llarni ta’mirlash, elektr energiyasi va ichimlik suv ta’minoti bo‘yicha ko‘plab murojaatlar tushgan.

✔️Viloyat hokimining shu paytgacha joylarda o‘tkazgan sayyor qabullarida bunchalik katta miqdorda murojaatlar tushmagan edi. Bu hududlarda to‘planib qolgan muammolar ko‘pligidan hamda aholining sayyor qabullar orqali masalalari ijobiy hal etilishiga ishonchi ortayotganidan dalolatdir.

🗣Shu joyning o‘zida hal etish imkoni bo‘lgan murojaatlar yuzasidan talablar qanoatlantirildi. Batafsil o‘rganishni taqozo etadigan dolzarb masalalarni hal etish yuzasidan yechimini topish vakolatiga ega bo‘lgan mutasaddi korxona, tashkilot, muassasalar rahbarlariga aniq muddat belgilanib, qat’iy nazoratga olingan holda topshiriqlar berildi.

Buxoro.uz | Facebook | Instagram | YouTube