* * *

Паға-паға ёғаётир қор,
Қор рангида бўлди дил ранги.
Кўнгилларни айлаб беғубор,
Олам узра келди йил янги.

Бахтга томон элтар кўчалар,
Билинмайди бугун йўл чанги.
Янги ният, янги режалар...
Олам узра келди йил янги.

Ўзгачадир гулда назокат,
Бошқачадир булбул оҳанги.
Яна меҳр, яна муҳаббат...
Олам узра келди йил янги.

Югуради соат миллари,
Тилакларнинг янграр жаранги.
Бизни кутар бахт манзиллари,
Олам узра келди йил янги!

БОБУР БОБОМУРОД

@bobur_bobomurod