Bugun Surxondaryo viloyati hokimi Ulug‘bek Qosimov kunning ikkinchi yarmida haftalik ish rejasiga muvofiq investitsiya va eksport masalalari kompleksi faoliyatiga oid taqdimotlar bilan tanishdi. Termiz iqtisodiyot va servis universitetida o‘tkazilgan taqdimotda Investitsiyalar va tashqi savdo hamda Bojxona boshqarmalari rahbarlari loyihalar bilan tanishtirishdi.

Unga ko‘ra, Termiz shahrida 2025-yilda hududiy va to‘g‘ridan-to‘g‘ri xorijiy investitsiyalar hisobidan jami 281,9 mln dollarlik 50 ta loyiha amalga oshirilishi, ularda 1 850 dan ortiq ish o‘rinlari yaratilishi rejalashtirilgan. Bojxona boshqarmasi tomonidan viloyatdagi mavjud bojxona postlari, ularning faoliyati hamda eksport ko‘rsatkichlarini oshirish maqsadida yo‘lga qo‘yilgan "Eksport uchun uch qadam" tizimining ishlash jarayoni haqida axborot berildi.

Viloyat rahbari investitsiyalar va xorijiy kreditlarni istiqbolli loyihalarga, aniq maqsadli yo‘naltirish, eksport ko‘rsatkichlarini oshirishda tashkilotlarning o‘zaro hamkorligini samarali yo‘lga qo‘yish lozimligini ta’kidladi va tegishli vazifalarni belgilab berdi.

Shundan so‘ng, Termiz shahrida "Sherxon Namoz" MChJ tomonidan 60 o‘rinli zamonaviy mehmonxona tashkil etish, "Surxon qurilish" MChJning qurilish materiallari ishlab chiqarish, "Komfort mebel servis" MChJning mebel mahsulotlar tayyorlash hamda "Safari-21" qishloq xo‘jaligi mahsulotlarini eksport qilish faoliyatlari bilan tanishildi.

Telegram | Facebook | Instagram | YouTube | Web-site | X