Surxondaryo viloyati hokimligi

Ko‘chatchilikda zamonaviy ilmiy yondashuvlar joriy etilmoqda

Surxondaryo viloyatida ko‘chatchilikni rivojlantirish, daraxt ko‘chatlarini intensiv usulda yetishtirish hamda ekologik jihatdan foydali navlarni yaratish maqsadida Sariosiyo tumanida viloyat seminar-treningi tashkil etildi.

Mazkur o‘quv-amaliy seminarda fermer va dehqon xo‘jaliklari, ko‘chatchilik bilan shug‘ullanuvchi tadbirkorlar hamda o‘rmon xo‘jaliklari vakillari ishtirok etdi. Tadbir davomida ko‘chatchilikda ilg‘or texnologiyalarni joriy etish, hosildorlikni oshirish va ekologik barqarorlikni ta’minlash bo‘yicha fikr va tajribalar almashildi.

Seminar yakunida sohaga oid dolzarb masalalar muhokama qilinib, zamonaviy ilmiy-uslubiy yondashuvlarni amaliyotga tatbiq etish bo‘yicha taklif va tavsiyalar ishlab chiqildi.

Eslatib o‘tamiz, seminar ochilishida viloyat hokimi Ulug‘bek Qosimov ishtirok etib, sohani yanada rivojlantirish bo‘yicha yangi vazifalarni belgilab bergan edi.

Surxondaryo.uz | Telegram | Facebook | Instagram | YouTube | X

Prezidentimiz rahbarligida o‘tkazilgan selektor yig‘ilishida meva-sabzavot mahsulotlarini yetishtirish, qayta ishlash va eksport hajmini oshirish masalalari muhokama qilinib, hududlarda sanoatlashgan intensiv mevali bog‘lar va tokzorlar barpo etish vazifasi belgilab berilgan edi. Ushbu topshiriq ijrosini ta’minlash maqsadida vohamizda tadbirkorlar bilan hamkorlikda istiqbolli loyihalar tanlab olinib, amalga oshirilmoqda.

Bugun Surxondaryo viloyati hokimi Ulug‘bek Qosimov hududlarga tashrifi davomida Termiz tumanida 88 gektar, Angor tumanida 165 gektar va Sherobod tumanida 5 gektar maydonda bog‘zorlar tashkil etish loyihalari bilan tanishdi.

Xususan, "Ravno Grow" MCHJ tomonidan 165 gektar maydonda tashkil etilayotgan sanoatlashgan bog‘ hududida yer tayyorlash, ko‘chat ekish va zamonaviy sug‘orish tizimlarini joriy etish ishlari ko‘zdan kechirildi. Shuningdek, viloyat Soliq boshqarmasi tashabbusi bilan 5 gektar maydonda tashkil etilayotgan pavloniya bog‘ida ko‘chat o‘tqazish jarayonlari ham o‘rganildi. Loyihalarni sifatli amalga oshirish, serhosil va intensiv usulda yetishtirilgan ko‘chatlarni ekish bo‘yicha tavsiyalar berildi.

Tashrif yakunida Jarqo‘rg‘on tumanidagi "Abdumo‘min Jo‘rayev" fermer xo‘jaligi tomonidan energotejamkor suv nasoslari va ularni "yashil" energiya bilan ta’minlovchi quyosh panellarini joriy etish ishlari bilan tanishildi. Fermer xo‘jaligi tomonidan 65 kVt quvvatga ega quyosh panellari o‘rnatilayotgan bo‘lib, ular yiliga 105 ming kVt/soat elektr energiyasi ishlab chiqarishi hamda 94,5 million so‘mlik energiya xarajatlarini to‘liq qoplashi rejalashtirilgan.

Surxondaryo.uz | Telegram | Facebook | Instagram | YouTube | X

Viloyatimizda bahor mavsumi yurtimizning boshqa hududlariga nisbatan ertaroq kelgani bois bu kunlar g‘alla parvarishi uchun muhim davr hisoblanadi. Hozirda amalga oshirilayotgan har bir sifatli agrotexnik tadbir hosildorlikni oshirish va xirmonning mo‘l-ko‘l bo‘lishini ta’minlashga xizmat qiladi.

Bugun Surxondaryo viloyati hokimi Ulug‘bek Qosimov Termiz, Sherobod va Jarqo‘rg‘on tumanlarida g‘alla parvarishi jarayonlari, xususan, o‘g‘itlash va suspenziyali ishlarning borishi bilan tanishdi. Shuningdek, mazkur tumanlarda 2025-yil hosili uchun o‘rim-yig‘im mavsumiga kombayn va qishloq xo‘jaligi texnikalarini tayyorlash ishlari ko‘rib chiqildi.

Jarqo‘rg‘on tumanidagi "Ismoiltepa" hududida joylashgan "Nurli diyor Oqoltini" fermer xo‘jaligining 15 gektarlik g‘alla maydonida begona o‘t, kasallik va zararkunandalarga qarshi "4 lik" ishchi eritmalar qo‘llanilishi jarayoni kuzatildi. Shu yerning o‘zida qishloq xo‘jaligi sohasi mutasaddilari, fermer xo‘jaliklari hamda kimyoviy vositalarni yetkazib beruvchi kompaniyalar vakillari ishtirokida seminar tashkil etildi.

Seminarda g‘alla kasalliklari, begona o‘tlar va zararkunanda hashoratlarga qarshi ishlatiladigan kimyoviy vositalar, ularning afzalliklari va qo‘llanish usullari haqida ma’lumot berildi. Shuningdek, taklif etilayotgan samarali vositalar mutasaddilar tomonidan taqdimot qilindi.

Surxondaryo.uz | Telegram | Facebook | Instagram | YouTube | X

💼 Tayinlov

O‘zbekiston Respublikasi Iqtisodiyot va moliya vazirining tegishli buyrug‘i bilan Abdullayev Shohjaxon Bekmuratovich - Surxondaryo viloyati Iqtisodiyot va moliya bosh boshqarmasi boshlig‘ining birinchi o‘rinbosari lavozimiga tayinlandi.

Shohjaxon Abdullayev 1987-yilda Oltinsoy tumanida tug‘ilgan. 2009-yilda Termiz davlat universitetini, 2020-yilda Prezident huzuridagi Davlat boshqaruvi akademiyasini  tamomlagan. Ma’lumoti bo‘yicha mutaxassisligi – iqtisodchi, davlat boshqaruvi.

Mehnat faoliyati davomida Iqtisodiyot va moliya boshqarmasida turli vazifalarda, shuningdek, tuman hokimining birinchi o‘rinbosari, tuman hokimi lavozimlarida mehnat qilgan.

Tayinlovga qadar Surxondaryo viloyati "Kichik biznesga ko‘maklashish markazi" MChJ direktori lavozimida faoliyat yuritib kelayotgan edi.

Surxondaryo.uz | Telegram | Facebook | Instagram | YouTube | X