Surxondaryo viloyati hokimligi

Surxondaryo viloyati hokimi Ulug‘bek Qosimov o‘tgan haftada Termiz shahri "Alpomish" mahallasida bo‘lib, amalga oshirilishi lozim bo‘lgan vazifalarni belgilab bergan edi. Bugun ushbu mahallada viloyat rahbari berilgan topshiriqlar ijrosi, obodonlashtirish ishlarining borishi bilan tanishdi. Mutasaddilarga hudud infratuzilmasini yaxshilash, ko‘p qavatli turar joylar atrofini tartibga keltirish, bolalar maydonchalarini ta’mirlash vazifalari topshirildi.

Shundan so‘ng, shahar sektor rahbarlari va "Alpomish" mahallasi "yettiligi" tomonidan hududda amalga oshirilgan ishlar, kelgusidagi rejalar yo‘nalishlar kesimida taqdimot qilindi. Shuningdek, shu yerning o‘zida Sherobod tumanida MTT binosi, savdo kompleksi, Termiz tumanida barpo etilayotgan "Yangi O‘zbekiston" massiviga tutash hududda savdo, xizmat ko‘rsatish va dam olish maskanlari hamda yoshlar sanoat zonasini tashkil etish loyihalari ko‘rib chiqildi.

Taqdimot bilan tanishgan viloyat rahbari mutasaddilarga har bir loyihaning texnik-iqtisodiy asoslari hamda samaradorligini aniq baholagan holda amalga oshirish yuzasidan tavsiyalarni berdi.

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov Oltinsoy tumaniga tashrif buyurib, hududda tanlab olingan 12 gektarlik maydonda tashkil etilayotgan "Yashil" bog‘ga daraxt ekish tadbirlarida ishtirok etdi.

"Yashil makon" umummilliy loyihasi doirasida amalga oshirilayotgan mazkur tadbirda davlat va jamoat tashkilotlari vakillari, faollar, nuroniylar hamda yoshlar ishtirok etib, manzarali va mevali daraxt ko‘chatlari ekdi.

Shundan so‘ng, Agroinspeksiya hamda O‘simliklar karantini va himoyasi viloyat boshqarmalari mutasaddilari Prezidentimiz raisligida joriy yil 28-noyabr kuni o‘tkazilgan videoselektor yig‘ilishida berilgan topshiriqlar ijrosini ta’minlash, yil yakuniga qadar erishilishi lozim bo‘lgan ko‘rsatkichlar hamda kelgusidagi ustuvor vazifalar yuzasidan taqdimot o‘tkazdi. Viloyat rahbari mutasaddilarga tegishli vazifalarni belgilab berdi.

Viloyat rahbari Ekraz mahallasida "Bir mahalla — bir mahsulot" tamoyili asosida hokim yordamchisining xonadonida tashkil etilgan issiqxonada limon va qulupnay yetishtirish hamda muzlatkichli omborxona qurilishi bilan ham tanishdi.

Telegram | Facebook | Instagram | YouTube | Web-site | X

IFAD bilan yer degradatsiyasi va iqlim o‘zgarishiga qarshi kurash borasidagi hamkorlik mustahkamlanadi

Birlashgan Millatlar Tashkilotining Cho‘llanishga qarshi kurash to‘g‘risidagi konvensiyasi (UNCCD) Tomonlar Konferensiyasining 16-sessiyasi (COR16) doirasida Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov Xalqaro qishloq xo‘jaligini rivojlantirish jamg‘armasining (IFAD) Atrof-muhit, iqlim, gender tenglik va ijtimoiy integratsiya departamenti direktori Xuan Karlos Mendoza bilan uchrashdi.

Muzokaralarda Suv xo‘jaligi vaziri Shavkat Hamroyev ham ishtirok etdi.

Ma’lumot uchun: besh yillik loyiha uch komponentni amalga oshirishni o‘z ichiga oladi:

✅ agroiqlim monitoringi tizimini ishlab chiqish;

✅ iqlim senariylarini uzoq muddatli tahlil qilish uchun institutsional va texnik imkoniyatlarni rivojlantirish;

✅ aholining iqlim o‘zgarishining qishloq xo‘jaligiga prognoz qilinayotgan salbiy ta’siri va tegishli javob choralari haqida xabardorligini oshirish.

Telegram | Facebook | Instagram | YouTube | Web-site | X

Tamaddun, Madaniyat, Ma’rifat: "Ma’rifat karvoni" ishtirokchilari Termizda

Bugun erta tongdan Termiz xalqaro aeroportida poytaxtimizdan tashrif buyurgan bir guruh taniqli olim va ziyolilardan iborat "Ma’rifat karvoni" ishtirokchilari tantanali kutib olindi.

Shundan so‘ng, Termiz shahrida joylashgan Imom Termiziy xalqaro ilmiy-tadqiqot markazida "Tamaddun, Madaniyat, Ma’rifat" mavzusida ilmiy konferensiya o‘z ishini boshladi. Xususan, ilmiy konferensiya doirasida "Yangi O‘zbekistonida diniy-ma’rifiy sohada amalga oshirilayotgan islohotlar va bunyodkorlik ishlari" mavzusida ziyolilar forumi o‘tkazildi.

Forumda vohamizning ziyoli kishilari, diniy ulamolari hamda davlat va jamoat tashkilotlari vakillari ishtirok etdi.

Telegram | Facebook | Instagram | YouTube | Web-site | X

3-dekabr - Xalqaro nogironlar kuni

Birlashgan Millatlar Tashkiloti bosh Assambleyasining 1992-yil 14-oktyabrdagi 47/3-sonli rezolyutsiyasiga muvofiq har yili 3-dekabr - Xalqaro nogironlar kuni sifatida dunyo boʻylab nishonlanadi.

Uning maqsadi - jamiyat hayotining barcha sohalarida nogironlar huquqlarini ragʻbatlantirish, shuningdek, nogironlar muammolariga keng jamoatchilik eʼtiborini jalb qilishdan iborat.

Telegram | Facebook | Instagram | YouTube | Web-site | X