Bazilari: "Tiyotr harom, tiyotrdan kelgan oqcha ham harom", — derlar. Holbuki tiyotr harom ermas, bid’at. Bid’at bo‘lsa ham "bid’ati hasana". "Bid’ati sayyia"lardan emas. Tiyotr har bir millatning yamon urf va odatlarini yo‘q qilmak uchun, o‘zini axvolini tuzatmak uchun boqadurg‘on oyinasidir. O‘shal harom degon kishilarning o‘zlari madrasa va yo mexmonhonalarda birovni qizdan sulu(v) bolasini ko‘zlaridan mo‘ldir-mo‘ldir yoshlarini oqizib, boshiga kokil solub, aylansun-o‘rgulsun deb yurgan kishilardir! Yoki dallol va yallochilarni(ng) o‘ynatub, tishlarini oqini ko‘rsatub, tanga tashlatub turgan kishilarga bilmayman, nima uchun bul ibratxona ma’qul bo‘lmabdir...