Менга чин дўстсан агар ёнимда  тур,
Сийратинг ҳаддин ёқар ёнимда тур.

Дўст меҳри керак чоғида малҳамдурур,
Айтмагум, тонгу саҳар ёнимда тур.

Сен билан бир сафдалик олий  виқор,
Сўз демай болу шакар, ёнимда тур.

Йўлда йўлдош, дейдилар, толе тугал,
Қилганим вақти сафар ёнимда тур.

Дўст қалқон, дўст посбон, дўст суянч,
Сочмайин душман заҳар ёнимда тур.

Бўлса дилдош, мушкулот барҳам топар,
Дард ва ғамда сар басар ёнимда тур.

Дўст бу ҳушёрлик ва бедорлик демак,
Сенла сезмайман хатар, ёнимда тур.

Жонфидо бу Фармоно, бил, дўст учун,
Сен бўлиб жону жигар, ёнимда тур.

Фармон Тошев
2024 йил 17 ноябрь

🦅 ANTIKORRUPSIYA