ANTIKORRUPSIYA/расмий 🇺🇿

​Свет ўчаётгани ҳақида ёзишни қачон тақиқлашади?

Энергодискотека кучайиб бораётганига қарамай, ҳозирча, шукурки, бундай тақиқ йўқ, лекин...

Шонли энергетиклар штатидаги энергоқурбон Курбановдан тортиб Тошкентга бир муддат қайтган меҳмон Ҳошимовгача бўлган истеъмолчиларга балки график, балки Мирзамаҳмудов режа-топшириғи, балки қувват етишмовчилиги асосида свет ўчирилаётган бир вақтда қанақадир фавқулодда чора қўллаш керакка ўхшайди.

Йўқ, ўйламанг, олигархия ва шимолдагилар хизматидаги шонли энергетиклардан ҳеч ким қанақадир мўъжиза кутмайди, улардан фақат янада ёмонроқ, даҳшатли оқибатларни кутиш мумкин холос. Айтайлик, шонлик энергетикларимиз свет ўчиши ҳақида ёзишни тақиқлаб қўйишлари мумкин-ми? Назарий жиҳатдан мумкин. Мана давлатчилик, мустақиллик ва янги авлод учун бомбага айланадиган АЭС ҳақида ҳеч ким ёзмаяптику. Нега свет ўчаётгани ҳақида ёзишга тақиқ қўйилиши мумкин эмас?

Свет ўчмаётгани ҳақида ёзилмаса, тамом. Энергетика муаммосиям ўзидан ўзи сўрилиб битади. Ҳаётимиз ҳам бинойидек бўлади, қўяди. Свет ўчиши ҳақида ёзишга фақат энергетикларнинг ўзига рухсат берилса, барчаси назоратга қайтади. Америка овозидагилар келиб, оғзидан суви оқиб Султоновдан яна интервью олишсаям бўлади.

Энергетиклар учун жонли ҳайкалга айланган Сағбонниям биров эсламайди.

Қоп-қоронғи маконда қоп-қора одамларнинг қилаётган қоп-қора ишлариям кўринмайди шунда.

27 июнь, ОАВ ишчилари кунига атаб шундай тақиқ киритиш айни муддао бўлади. Дарвоқе, олдинда худди шу кундан аномал иссиқ кутилмалариям бор.

#диққат #тарқатинг

Ижтимоий тармоқ фаоли ва ANTIKORRUPSIYA OAV махсус мухбири Блоггер Абдуллаев номига Чирчиқ шаҳар Абу Али Ибн Сино номидаги тиббиёт коллежининг номи сир сақланишини сўраган ота-оналардан ноқонуний пул йиғими ҳақида хабар берилган эди. Ушбу масала юзасидан жойига чиқиб ушбу коллеж директори Нодира Султанова билан учрашилган эди. Афсуски бу ноқонуний пул йиғимларидан Нодира Султанова хабари йўқлиги ва ушбу масалани назоратга олиб бартараф этиши ҳақида ваъда берилган эди. Орадан бир ҳафта ўтди ва масала деярли ижобий ҳал этилди. 90% йиғилган пуллар эгаларига қайтариб берилган. Яна 10% кураторларни пулни қайтариб беришларини кутмоқдаман. Қолаверса ушбу мурожаатдан сўнг ҳар бир ўқувчининг имтиҳондан педагогларнинг босими остида қолишига ҳам йўл қўймайман. Шахсан ўзим имтиҳонлар тугагунча четдан кузатиб бораман. Нодира Султанова масалани ижобий ҳал этгани ортидан ота-оналар хурсандчилиги ва дуо қилишаётгани ҳақида таъкидлаб ўтаман. Нодира Султанова қолган кураторлар ҳам пулларни қайтариб бериши зарур бўлмаса исм фамилия ва аниқ лавозимларини эълон қилишга мажбур бўламан. Кейинги масала эса кўзингга қараб биз пул йиғмадик деб ёлғон гапириб эртасига пулларни қайтариб берадиган нобоп педагоглар ҳам бор экан! Ушбу масалаларни бартараф этаётган ва пулларни қайтариб бериши талабини қўйган Нодира Султанова фаолиятингизга зафарлар тилайман.

©Blogger Abdullayev

Obuna bo'ling
@antikorruz

ВАТАНИМ

Ҳар бир уйда айғоқчи,
Ҳар қадамда искович,
Одамни кўрса қочар,
Бедовларинг ҳуркович.
Ошингга заҳар солди,
Ғанимларинг бир ҳовуч,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Нон бермайди ва лекин
Нон еганни ўлдирар,
Ўсиб турган ниҳолни
Аёз каби сўлдирар.
Бозор бормай қўйнингни
Пуч ёнғоққа тўлдирар,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Ҳар кўчада минг миршаб,
Ҳар гўшада авахта,
Ҳақ деганнинг оғзи берк,
Қон ютар лахта-лахта.
Ўзи-ку пахта эккан,
Ёстиғи бўлди тахта,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Илму ирфон жаҳолат
Ғорига кириб кетди,
Ўлик тирикдан ўтди,
Тирик ўликдан ўтди.
Адолат истаб борсанг
Ёлғон тиршайиб кутди,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Қайларгадир йўқолди
Меҳр билан муҳаббат,
Қўлида ханжар ушлаб,
Адоват қолди фақат.
Ёмон гап арзон-гаров,
Яхши гап бўлди қаҳат,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Тўғригўйлар бир четда,
Эъзоздадир иғвогар,
Қайтдик ўрта асрга,
Одам пуллар савдогар.
Минг йиллик хазинангни
Талаб ётар ўғри, ғар,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Ўлиб ҳам бўлмай қолди,
Ювғич урар кафандан,
Кимлардандир юққан кир
Кетмас сира бадандан.
Қуруқ ҳашаклар қолди
Гуллаб турган чамандан,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Қувган ҳам халқим дейди,
Халқим дейди қочган ҳам,
Лекин халқнинг аҳволин
Ўйламас бирор одам.
Жаллод ҳам халқ номидан
Ўқир фармонни у дам,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Турфа хил замонларни
Кўрган битта инсонман,
Гоҳ фахр этсам, гоҳо
Баридан пушаймонман.
Нетайки мен на Хорун,
На ёки Сулаймонман,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Барчасига сабабдир
Асли нафснинг балоси,
Меҳнаткаш халқнинг эса
Ечилмас муддаоси,
Иншооллоҳ, бандага
Боққай бир кун Худоси,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

© Абдулла Орипов

АҚШ 2015

t.me/antikorruz

Камбағаллик даражаси нима билан ўлчанади. Унинг чегараси қаерда?

Камбағалликдан чиқиш учун охирги уч йилда нималар қилинганини бир эсга олайлик.

Махаллалар кесимида хоким ёрдамчиси ташкил қилинди, аслида икки пулга қиммат лавозим, улар асосан содда фуқароларимизни алдаб, уларнинг номидан ўзларига кредит расмийлаштириб фирибгарлик билан шуғулланишмоқда, шунингдек ўз-ўзини банд қилиш ва бошқа йўналишларда кредитлар қирқ туяга оғирлик қиладиган фоизларда ажратилмоқда. Ижтимоий ходим, ёшлар етакчиси ва аллақандай солиқчи - отнинг калласидек ойликни нима учун олаётганини билмаётган бандалар. Аёллар фаоли- аёллар дафтари, темир дафтар ва ҳакоза рўйхатлар шакллантириб, бир кун киритади эртасига чиқаради, тикув машиналари сони мингта, субсидиялар миллиардлаган кўринишда. Қисқаси ҳаммаси каша.

Натижа кутилганидек бўлдими? Стратегия асли қандай эди? Кредит беришдан олдин ҳалқнинг молиявий барқарорлиги ўрганилганми? Одамларда пул билан муомала қилиш маданияти қайси босқичда?

Қишлоқ жойларида аксарият харидорларнинг харид қобилияти «қарз дафтар» эвазига шаклланган бўлиб, ушбу қатлам давлат таклиф қилаётган хар қандай кўринишдаги кредитларни олишга мойиллиги баланд, буни иқтисодчилар таҳлил қилганми? Ҳамма дўконлардаги қарз дафтарларда рўйхатда туради... Ақлли рожаси билан фақат ўз манфаатларидан чеккага чиқолмай юрган валломат иқтисодчиларимиз вазиятдан хабардорми? Кеча эшитдим, хаттоки участковой ҳам чўпондан битта қўйга қарз... Тўлай олмай юрибди бечара...

Саволлар кўп жавоб эса кўз ўнгимизда...

Пластик картага пул тушуши билан кредиторлар харакати бошланади, ойлик маош рўзғор харажатларига етиб келмаслиги оқибатида кичик тадбиркорлик субъектлари товар айланмасида узулишлар кузатилада, натижада солиқ тушуми камайиши ва инқироз юзага келади, бу ҳол йирик ишлаб чиқарувчиларга ҳам ўз таъсирини кўрсатади.

Шу ўринда жоиз бўлса молия-иқтисод экспертларга маслахат:

осмондан пастга тушинг, ҳақиқий вазиятни ўрганинг, ўзингизни ва раҳбариятни ёлғон статистикалар билан алдашни бас қилинг;

кўриниши жозибадор бўлган катта фоизли кредитларни беришни тўхтатинг;

асл нархи арзон бўлган товарларни бир-мунча қиммат бахолаб кейин уни фоизсиз насияга беришини тўхтатинг;

ойлик маошларни кўтармай туриб, коммунал тўловлар нархини оширишни тўхтатинг;

бирламчи озиқ-овқат махсулотлари ишлаб чиқарувчи, етиштирувчиларга имтиёзлар яратинг!

Уч йилдан кейин натижани кутинг!

Машраб

t.me/antikorruz