7 mlrd so‘mlik 21 ta davlat xaridi qonunchilikka zid tarzda o‘tkazilishining oldi olindi

Korrupsiyaga qarshi kurashish agentligi tomonidan joriy yilning noyabr-dekabr oylarida davlat buyurtmachilari tomonidan 7 mlrd so‘mlik 21 ta davlat xaridida qonunbuzilishi holatlariga yo‘l qo‘yilganligi aniqlandi.

Jumladan, quyidagi davlat xaridlarida manfaatlar to‘qnashuviga yo‘l qo‘yilgan:

▫️“Uzsungwoo” MCHJ  buyurtmachiligida 1,5 mlrd so‘mlik tashish xizmatlari ko‘rsatish va  895 mln so‘mlik yog‘och yetkazib berish;

▫️Shaxrisabz shaxar tibbiyot birlashmasi buyurtmachiligida 782 mln so‘mlik tibbiy uskunalar xarid qilish;

▫️Andijon qishloq xo‘jaligi va agrotexnologiyalar instituti qoshidagi akademik litsey buyurtmachiligida 427 mln so‘mlik issiq oziq-ovqat yetkazib berish xizmati ko‘rsatish;

▫️“Urgut tuman suv yetkazib berish xizmati” DM buyurtmachiligida  339 mln so‘mlik taʼmirlash xizmatlari ko‘rsatish;

▫️Chorvachilik, parrandachilik va baliqchilik ilmiy-tadqiqot instituti buyurtmachiligida 284 mln so‘mlik molekulyar genetik tadqiqotlarini tahlili yordamida Bushuyev zotining genetik pasportini tuzish;

▫️Zarbdor tuman maktabgacha va maktab taʼlimi bo‘limi buyurtmachiligida 173 mln so‘mlik qishloq xo‘jaligi mahsulotlari xarid qilish;

▫️Uchqo‘rg‘on tumani sport maktabi buyurtmachiligida 143 mln so‘mlik sport invertarlarini sotib olish;

▫️ O‘zbekiston mahallalar uyushmasining Andijon shahar bo‘limi buyurtmachiligida 62 mln so‘mlik qurilish mollari sotib olish;

▫️Bandixon tuman tibbiyot birlashmasi buyurtmachiligida 60 mln so‘mlik issiq oziq-ovqat yetkazib berish xizmati ko‘rsatish;

▫️Baliqchi tumani ayrim fanlar chuqur o‘rganiladigan 6-son davlat ixtisoslashtirilgan maktab-internati buyurtmachiligida 39 mln so‘mlik qishloq xo‘jaligi mahsulotlari xarid qilish yuzasidan o‘tkazilgan davlat xaridlarida.

Shuningdek:

▫️Denov tumani maktabgacha va maktab taʼlimi bo‘limi buyurtmachiligida 496 mln so‘mlik qishloq ho‘jaligi mahsulotlarini sotib olish;

▫️ Mirzo Ulug‘bek nomidagi O‘zbekiston Milliy universiteti Jizzax filiali buyurtmachiligida 420 mln so‘mlik texnik jihozlar xarid qilish;

▫️ Jarqo‘rg‘on tumani obodonlashtirish boshqarmasi buyurtmachiligida 200 mln so‘mlik qurilish mollari xarid qilish;

▫️Kosonsoy tuman maktabgacha va maktab taʼlimi bo'limi buyurtmachiligida 146 mln so‘mlik tikuv mashinalari xarid qilish;

▫️Respublika shoshilinch tibbiy yordam ilmiy markazi Sirdaryo filiali buyurtmachiligida 120 mln so‘mlik issiq ovqat yetkazib berish xizmatini ko‘rsatish;

▫️ Jizzax viloyati shoshilinch tez tibbiy yerdam ilmiy markazi buyurtmachiligida 99 mln so‘mlik texnik jihozlar xarid qilish yuzasidan o‘tkazilgan davlat xaridlarida o‘zaro affillangan shaxslar ishtirok etganligi maʼlum bo‘ldi.

▫️Farg‘ona vodiysi magistral kanallaridan foydalanish boshqarmasi buyurtmachiligida 800 mln so‘mlik beton qorishma sotib olish;

▫️Sh.Rashidov tuman davlat arxivi buyurtmachiligida 67 mln so‘mlik qurilish mahsulotlari xarid qilish yuzasidan o‘tkazilgan davlat xaridlarida esa baholash jarayonida qonunbuzilishi holatlariga yo‘l qo‘yilgan. 

Agentlikning taqdimnomalariga asosan xarid komissiyasining g‘olibni aniqlash haqidagi bayonnomalari bekor qilinib, mazkur davlat xaridlarining qonunga xilof tarzda o‘tkazilishining oldi olindi.

O‘rganish va tahlillar jarayonida to‘plangan hujjatlar qonuniy chora ko‘rish uchun huquqni muhofaza qiluvchi organlarga yuborildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt