Korrupsiyaga qarshi kurashish agentligi

Korrupsiyaga qarshi kurashish agentligi direktori Akmal Burxanov Toshkent xalqaro aeroportida yo‘lovchilarga yaratilgan sharoit va imkoniyatlarni o‘rgandi.

Jumladan, hududdagi ro‘yxatga olish, kutish, bagajni qabul qilish va chegara nazorati zonalaridagi qulayliklar bilan tanishildi.

Shuningdek, mobil qurilmalarning UzIMEI tizimida ro‘yxatdan o‘tkazish bilan bog‘liq jarayonlar, xususan, O‘zbekistonga yangi mobil qurilma olib kirishda bojxona deklaratsiyasini to‘ldirish talablari ijrosi o‘rganildi.

Byurokratiya va fuqarolarning navbatda uzoq kutib turishlarini oldini olish maqsadida ushbu jarayonga jalb qilingan xodimlar sonini oshirish, shuningdek, ma’lumotlar bazasi va UzIMEI tizimini integratsiya qilgan holda o‘zaro axborot almashinuvini yanada tezlashtirish choralari ko'rilayotgani qayd etildi.

Agentlik direktori yangi qoidalar amaliyotda qay darajada to‘g‘ri va samarali tashkil etilganligi yuzasidan yo‘lovchilarning fikrlari bilan ham qiziqdi.

O‘rganish davomida aniqlangan kamchiliklarni bartaraf etish yuzasidan mas’ullarga tegishli tavsiyalar berildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

"Yoshlar tadbirkorligini hamda ularning bandligini taʼminlashga qaratilgan biznes loyihalarni qo‘llab-quvvatlash tizimini takomillashtirish chora-tadbirlari to‘g‘risida”gi Prezident qarori (PQ-60-son, 14.02.2025-y.) qabul qilindi.

Qarorga ko‘ra, Yoshlar ishlari agentligi huzurida Yoshlar tadbirkorligini rivojlantirish davlat maqsadli jamg‘armasi tashkil etiladi.

Korrupsiyaga qarshi kurashish agentligi tomonidan mazkur Jamg‘arma resurslari hisobidan ajratilgan mablag‘lar yuzasidan hisobotlar, shu jumladan, qo‘llab-quvvatlash instrumentlari va loyihalar kesimida ajratilgan mablag‘lar to‘g‘risidagi maʼlumotlarning Yoshlar ishlari agentligi rasmiy veb-saytida o‘z vaqtida va to‘liq eʼlon qilib borilishi ustidan nazorat o‘rnatilishi belgilandi.

Nazorat tadbirlari natijalari keng jamoatchilik uchun ochiq eʼlon qilib boriladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi hamda O‘zbekiston Respublikasi Prezidenti huzuridagi Davlat xizmatini rivojlantirish agentligi o'rtasida o‘zaro hamkorlik memorandumi imzolandi

Mazkur hujjat davlat xizmatchilarida korrupsiyaga qarshi madaniyat va qadriyatlarni hamda murosasiz munosabatni shakllantirishga qaratilgan preventiv mexanizmlarni joriy etishni nazarda tutadi.

Shu maqsadda Memoranumda quyidagi muhim yo‘nalishlar qamrab olingan:

- davlat sektorida halollik va manfaatlar to‘qnashuvini hal etish standartlarini joriy etishda davlat organlari va tashkilotlariga ko‘maklashish;

- davlat organlari va tashkilotlarining rahbarlik lavozimlarida ishlayotgan va ushbu lavozimlar uchun zaxirada turgan nomzodlarning korrupsiyaga qarshi barqarorligi darajasini baholash;

- davlat organlari va tashkilotlarida ISO 37001:2016 Korrupsiyaga qarshi menejment xalqaro standart talablariga muvofiq, “rahbar shaxsiy namunasi” (“Tone at the Top”)ni shakllantirishga qaratilgan chora-tadbirlarni ishlab chiqish va amalga oshirish;

- davlat xizmatchilarining halollik kompetensiyalari modeli hamda indikatorlarini ishlab chiqish va boshqalar.

Asosiy maqsadimiz — halol davlat xizmatining asosi, shu bilan birga, korrupsiyaning oldini olish va davlat idoralarida to‘g‘ri va adolatli faoliyatni taʼminlashga qaratilgan aniq va samarali tizimni joriy etish, — deydi Korrupsiyaga qarshi kurashish agentligi direktori Akmal Burxanov. Amalga oshirmoqchi bo‘lgan ishlarimiz davlat xizmatiga adashib yoki noqonuniy yo‘llar bilan boylik orttirish maqsadida kirganlarini aniqlash, shuningdek, davlat idoralariga halol, ishonchli va loyiq kadrlarni tanlashga ko‘maklashadi. Albatta, bularning bari murakkab jarayon va oson kechmaydi, lekin davlat xizmatining shaffofligi, ishonchliligi va samaradorligini oshirishda biz uchun juda muhim.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Oliy Majlis Senatida Korrupsiyaga qarshi kurashish milliy kengashining navbatdagi majlisi bo‘lib o‘tdi

Majlisda Senat raisi, Korrupsiyaga qarshi kurashish milliy kengashi raisi Tanzila Narbayeva, Korrupsiyaga qarshi kurashish milliy kengashi va hududiy kengashlari aʼzolari, vazirlik va idoralar, nodavlat notijorat tashkilotlari, ommaviy axborot vositalari rahbar hamda xodimlari ishtirok etdi.

Muhokamalar jarayonida Maktabgacha va maktab taʼlimi, Oliy taʼlim, fan va innovatsiyalar hamda Sog‘liqni saqlash vazirliklarining sohada korrupsiyaga qarshi kurashish bo‘yicha olib borilgan ishlar to‘g‘risida axboroti eshitildi.

Shuningdek, majlisda Korrupsiyaga qarshi kurashish agentligi direktori Akmal Burxonov Korrupsiyaga qarshi kurashish bo‘yicha 2023-2024-yillarga mo‘ljallangan davlat dasturining ijro holati yuzasidan axborot berib o‘tdi.

Bundan tashqari, Huquqni muhofaza qilish akademiyasida aholi va davlat xizmatchilarining korrupsiyaga qarshi kurashish sohasidagi bilimlarini uzluksiz oshirish tizimini joriy qilish bo‘yicha olib borilgan ishlar muhokama qilindi.

Yig‘ilish yakunlari bo‘yicha ko‘tarilgan masalalar va belgilangan vazifalar yuzasidan kengashining tegishli qarori qabul qilindi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Yirik korxonalarda xavflarni boshqarish sohasidagi tahlilarga bag‘ishlangan amaliy seminar

Toshkent davlat iqtisodiyot universitetida “Ustav fondida davlat ulushi 50 foiz va undan ortiq bo‘lgan yirik korxonalarda xalqaro standartlar asosida o‘tkaziladigan audit turlari, “Masofaviy audit” ATdan foydalanish imkoniyatlari hamda korrupsiyaga qarshi ichki nazorat tizimini samarali boshqarish omillari” mavzusiga bag‘ishlangan o‘quv-amaliy seminar bo‘lib o‘tdi.

Hisob palatasi, Korrupsiyaga qarshi kurashish agentligi va Bosh prokuratura bilan hamkorlikda tashkil etilgan tadbirda yirik korxonalar rahbarlari, ichki audit, moliya-iqtisod, komplayens nazorati va xavflarni boshqarish bo‘linmalari masʼul xodimlari ishtirok etdi.

Seminarda ustav fondida davlat ulushi 50 foiz va undan ortiq bo‘lgan yirik korxonalarda xalqaro standartlar asosida o‘tkaziladigan audit turlari, "Manfaatlar to‘qnashuvi to‘g‘risida"gi qonun bilan o‘rnatilgan talablar va mexanizmlarni samarali joriy etish, davlat xaridlari to‘g‘risidagi qonunchilik hujjatlari talablariga rioya etilishi, kapital qurilish ishlarini amalga oshirish tartiblari, biznes-rejalarni ishlab chiqish kabi masalalar muhokama qilindi.

Seminar doirasida Hisob palatasi va Korrupsiyaga qarshi kurashish agentligi o‘rtasida o‘zaro hamkorlik Memorandumi va uning doirasida amalga oshiriladigan chora-tadbirlar Dasturi imzolandi.

Hamkorlik doirasida birgalikda korrupsiyaga qarshi kurashish bo‘yicha ichki nazorat tizimini samarali faoliyat ko‘rsatishini ta’minlashga chora-tadbirlarni oshirish, axborot tizimlari orqali real vaqt rejimida idoralararo ma’lumotlar almashinuvini yo‘lga qo‘yish, shuningdek, davlat xaridlari sohasida qonunchilik ijrosini ta’minlash tahliliy ma’lumotlar tayyorlash va o‘zaro almashish va boshqa choralarni amalga oshirish nazarda tutilgan.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Investitsiya loyihalarini amalga oshirishda yangi mexanizmlar joriy etiladi

“Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish mexanizmlarini takomillashtirishga doir qo‘shimcha chora-tadbirlar to‘g‘risida”gi Prezident qarori qabul qilindi.

Qarorga muvofiq, investitsiya loyihalarining shaffof va samarali amalga oshirilishini ta’minlash maqsadida Korrupsiyaga qarshi kurashish agentligi tegishli vazirlik va idoralar bilan Loyihani ijro etuvchi agentliklarning baholash guruhlari tasdiqlagan xaridlarning baholash hujjatlari tender texnik topshirig‘iga va tegishli XMI/XHMTning xarid tartib-taomillariga muvofiqligini tanlanma tarzda tekshirib boradi.

Bu esa loyihalar doirasidagi xaridlarning shaffofligini ta’minlash, korrupsiya holatlarining oldini olish va davlat mablag‘larining maqsadli sarflanishini nazorat qilish imkonini beradi.

Shuningdek, xalqaro moliya institutlari va xorijiy hukumat moliya tashkilotlari tomonidan moliyalashtiriladigan loyihalarni nazorat va monitoring qilish uchun 2025-yil 1-iyunga qadar maxsus avtomatlashtirilgan axborot tizimi ekspertizadan o‘tkaziladi.

Tizim orqali loyihalar doirasida elektron xaridlar amalga oshiriladi hamda raqamli xarid tartib-qoidalariga o‘tiladi.

Yangi qaror investitsiya loyihalarini amalga oshirish jarayonini takomillashtirish, davlat va xususiy sektor o‘rtasidagi hamkorlikni mustahkamlash hamda davlat resurslarining samarali boshqarilishini ta’minlashga qaratilgan.

Bunda korrupsiyaga qarshi qat’iy choralar ko‘rish va xarid jarayonlarini shaffof o‘tkazish asosiy ustuvor yo‘nalishlardan biri sifatida belgilanmoqda.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

O‘zbekiston va Rossiya: korrupsiyaga qarshi kurash sohasidagi tajriba almashinuvi faollashtiriladi

Rossiya Federatsiyasi Bosh prokurori Igor Krasnov taklifiga binoan O‘zbekiston Respublikasi Korrupsiyaga qarshi kurashish agentligi direktori Akmal Burxanov boshchiligidagi delegatsiya Moskva shahrida bo‘lib turibdi.

Tashrif doirasida joriy yilning 11 fevral kuni ikki idora rahbarlari o‘rtasida uchrashuv bo‘lib o‘tdi.

Konstruktiv muloqot davomida O‘zbekiston va Rossiyada korrupsiyaga qarshi davlat siyosatini shakllantirish va amalga oshirish amaliyoti xususida axborot almashilib, sohada hamkorlik qilish istiqbollari muhokama qilindi.

Shuningdek, o‘zaro hamkorlikni rivojlantirish, mintaqaviy va xalqaro darajada korrupsiyaga qarshi kurashish hamda huquqni qo‘llash amaliyotida raqamli texnologiyalarni joriy etish masalalariga alohida e’tibor qaratildi.

Uchrashuv yakunida O‘zbekiston Respublikasi Korrupsiyaga qarshi kurashish agentligi va Rossiya Federatsiyasi Bosh prokuraturasi o‘rtasida o‘zaro hamkorlik Bayonnomasi imzolandi.

Ikki davlat o‘rtasidagi strategik sheriklikni yanada kuchaytirish va korrupsiyaga qarshi kurash sohasida tajriba almashinuvini faollashtirishga qaratilgan mazkur hujjat hamkorlikning quyidagi yo‘nalishlarini o‘z ichiga qamrab olgan:

- Korrupsiyaga qarshi kurashish sohasida, shu jumladan milliy qonunchilikni takomillashtirish borasida o‘zaro tajriba, axborot va hujjatlar almashinuvini yo‘lga qo‘yish;

- Vakolatli idoralar vakillarining o‘zaro tashriflari va malaka oshirish dasturlarini amalga oshirish;

- Yoshlarni korrupsiyaning har qanday ko‘rinishlariga murosasiz munosabatda tarbiyalash bo‘yicha ko‘rilayotgan chora-tadbirlar samaradorligini oshirish, shu jumladan, “Korrupsiyaga qarshi birgalikda!” yoshlarning korrupsiyaga qarshi ijtimoiy reklama xalqaro tanlovi doirasida hamkorlik qilish;

- Davlat organlari faoliyatining shaffofligini ta’minlash va baholash borasida hamkorlik qilish.

Ikki idora rahbarlari tomonidan mazkur hamkorlik korrupsiyaga qarshi kurashishda samarali chora-tadbirlarni amalga oshirish hamda har ikki mamlakatning huquq-tartibot organlari o‘rtasidagi hamkorlikni mustahkamlashga xizmat qilishi alohida ta’kidlandi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Bugun 11 fevral kuni AOKAda Korrupsiyaga qarshi kurashish agentligi axborot xizmati rahbari Sherzod Saparov ishtirokida brifing bo‘lib o‘tadi.

Mavzu: Korrupsiyaga qarshi kurashishda xalqaro hamkorlik doirasida amalga oshirilayotgan ishlar

Boshlanish vaqti: 15:00

Brifingni Agentlik va АOKАning Facebook tarmogʼidagi rasmiy sahifalari orqali jonli tarzda tomosha qilishingiz mumkin.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Surxondaryoda “Kambag‘allikdan farovonlik sari” dasturi ijrosi taminlanmoqda

"Kambag‘allikdan farovonlik sari” dasturi ijrosini ta’minlash hamda belgilangan vazifalarning amalga oshirilishini tahlil qilish, yuzaga kelgan muammolarni aniqlash va ularni joyida bartaraf etish choralarini ko‘rish maqsadida, Qumqo‘rg‘on (“Toyfang”), Uzun (“Saxovat”), Oltinsoy (“Barkamol avlod”) tumanlaridagi mahallalarida o'rganishlar olib borildi.

Korrupsiyaga qarshi kurashish agentligi direktori o‘rinbosari Umida Tuxtasheva boshchiligidagi ishchi guruh mazkur hududlarda tuman hokimliklari rahbariyati bilan hamkorlikda mahalla yettiligi, faollar va og‘ir ahvoldagi oilalar bilan uchrashib, ta’lim muassasalariga, qurilish-ta’mirlash ishlari olib borilishi rejalashtirilgan obyektlar ko‘zda kechirildi.

Bundan tashqari oilalarni kambag‘allikdan chiqarish bo‘yicha olib borilayotgan ishlar ahvoli o‘rganilib, mas’ullarning bu boradagi rejalari muhokama qilindi.

Muloqotlar natijasida mas’ullarga tegishli tavsiyalar berildi xususan, har bir kambag‘al oilalar uchun alohida kambag‘allikdan chiqarish dasturlari ishlab chiqish lozimligi bildirildi.

Dastur doirasida tanlangan mahallalarda tomorqa yerlarini sug‘orishni yaxshilash bo‘yicha yanvar oyida mahallalardagi obyektlarda ilk loyihalash ishlari amalga oshirilgan.

Loyihalarning ekspertiza, tender va amalga oshirish jarayonlarini sifatli va o‘z vaqtida amalga oshirish bo‘yicha tegishli tavsiyalar berildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt