💠 Сунъий интеллект инсондаги миллионлаб вирусларни аниқлайди

✅ The New York Times газетаси маълум қилишича, махсус тадқиқот дастури доирасида сунъий интеллект (AI) танадаги вирусларнинг соғлиққа қандай таъсир қилишини тушуниш учун кўнгиллилардан олинган намуналарни таҳлил қилди.

💡Ҳар бир инсоннинг ичакларида юзлаб ёки ҳатто минглаб турдаги бактериофаглар яшайди. Бир организмдаги бундай бактериялар бошқаларда қайтарилмаслиги ҳам мумкин. Олимлар шу вақтгача ичимизда яшайдиган ўнлаб триллион вирусларнинг фақат бир қисмини аниқлаганлар, холос. Бу заррачаларнинг кўпчилиги фойдали бўлиши мумкин, лекин бунга ишонч ҳосил қилишнинг ҳозирча иложи йўқ.

💡АҚШ, Буюк Британия ва Ирландиянинг бир неча университети ушбу вирусларни биргаликда аниқлаш учун бел боғлашган. Улар минглаб кўнгиллилардан сўлак, қон, сут ва бошқа намуналарни тўпламоқда. АҚШ давлат бюджетидан 171 млн доллар миқдорида молиялаштириладиган “Инсон вируси дастури” номли лойиҳа эндиликда AI билан ҳамкорликда намуналарни текширади.

💡Британиядаги Қуадрам институти биологи Эвелиен Адрианссенс фикрича, лойиҳа ўн миллионлаб турларни аниқлаб бериши кутилмоқда.

💡Инсон ҳужайраларини зарарлайдиган вируслар кутилмаганда хилма-хил бўлиб чиқмоқда. 1997 йилда япониялик тадқиқотчилар беморнинг қонини текшириб, анелловирус деб номланувчи мутлақо янги вируслар оиласини топгандилар. 2025 йилнинг ўтган ойида эса тадқиқот анелловирусларнинг 800 дан ортиқ янги турларини аниқлади, натижада маълум турларнинг умумий сони 6,800 дан ошиб кетди.

✅ Вируслар аксарияти шунчалик кичикки, улар кўринмас ҳужайралар ичида яшириниши мумкин. Бу – олимлар ҳали ҳам инсон вирусининг кўп қисмини тадқиқ қила олишмаётганлигининг сабаблардан бири. Ҳарвард университети тиббиёт факультети профессори Пардис Сабети ва унинг ҳамкасблари инсондаги вирусли генлар нозик хусусиятларини аниқлаш учун сунъий интеллект тизимини ишлаб чиқмоқдалар.

📍@akademik_burchak да бўлинг🛋