Пулингиз йўқми? Муаммолар гирдобидан чиқа олмаяпсизми? Қарзларингиз кўпайиб кетганми? Иш топа олмаяпсизми? Сизга нисбатан адолатсизлик бўляптими? Бу нарсаларнинг ҳаммаси аслида умуман аҳамиятга эга эмас нарсалар, соғлик-саломатлик олдида.

Кўзларингиз бор, кўряптими? Аллоҳга шукр!

Қўл-оёқларингиз, барча бармоқларингиз бор, ишлаяптими? Кесиб ташланмаганми? Аллоҳга шукр!

Ақл-ҳушингиз жойидами? Аллоҳга шукр!

Ўзингиз ҳожатга чиқа оласизми? Ювина, чўмила оласизми мустақил равишда, бировларнинг ёрдамисиз? Аллоҳга шукр!

Овқатни чайнай оляпсизми? Овқатингиз ҳазм бўляптими? Аллоҳга шукр!

Тасаввур қилинг, оёғи ампутация қилинган миллиардер ёнингизга келиб, “жамики бойлигимни санга бераман, манга оёғингни берасанми?” деса, берасизми оёғингизни?

Ҳеч қандай пулга сотиб олиб бўлмайдиган нарсаларни Аллоҳ бизга шундоқ берган, бугун эрталабдан шу нарсаларни ўйлаб қолдим. Аллоҳга беҳад шукр, соғ-саломат бўлганим учун. Қадриятларим бугундан бошлаб ўзгарди.