#Табрик

ЯНГИ ЙИЛИНГИЗ МУБОРАК БЎЛСИН!

Ассалому алайкум, азиз партиядошлар, ҳурматли депутатлар!

🔻 Ўтиб бораётган 2024-йил Сайловлар йили сифатида тарихда қолди. Халқ ишончини қозонган партиямиз вакиллари Олий Мажлис Қонунчилик палатаси ва маҳаллий кенгашлар депутатлигига сайландилар. Улар орасида олимлар, маъориф ва маънавият соҳаси вакиллари, тадбиркорлар, маҳалла фуқаролар йиғини етакчилари ва бошқа қатор соҳа вакиллари борлиги бизнинг ютуғимиздир. Депутатларимиз айни пайтда халқ ва ҳокимият ўртасида маънавий кўприк вазифасини бажариб, ҳаётда учраб турадиган муаммоларга ечим топиш, халқчил қарор ва қонунлар қабул қилинишига муносиб ҳисса қўшиб келмоқдалар.

✅ Давлатимиз раҳбари томонидан кириб келаётган 2025-йил "Атроф-муҳитни асраш ва "яшил" иқтисодиёт йили" этиб белгиланди. Демак, ҳар биримизнинг олдимизда амалга оширилиши муҳим бўлган янги вазифалар турибди. Янги йилда ҳам заҳматкаш халқимиз билан ҳамжиҳат бўлган ҳолда, мамлакатимиз тараққиёти ва ободлигига ҳар доимгидек муносиб ҳисса қўшиб, эзгу ишларда фидоийлик намуналарини кўрсатамиз.

💠 Ушбу қувончли лаҳзалардан фойдаланиб,  сизларни ва сиз орқали оила-аъзоларингизни ҳам Янги йил билан чин қалбимдан муборакбод этаман!

 🎄 Янги йил қутлуғ ва баракотли келсин! Осмонимиз ҳамиша мусаффо, тинчлигимиз барқарор бўлсин!

 

Исроилжон ЖЎРАЕВ - "Адолат" СДП Наманган вилоят Кенгаши раиси.