Xalq deputatlari Jizzax shahar Kengashi deputati Said Donishev tashabbusi hamda shahar hokimligi bilan hamkorlikda shu yilning 28-yanvar kuni Jizzax shahar hokimi Komil Xolmurodov boshchiligida shaharning “Zargarlik” mahallasida hududda tozalik, obodonlashtirish, ko‘kalamzorlashtirish ishlarini namunali yo‘lga qo‘yish, bu borada yuzaga kelayotgan muammolarga hamkorlikda barham berish masalalariga bag‘ishlangan "Ochiq muloqot"  o‘tkazildi.

Unda mahalla tozaligiga befarq bo‘lmagan, o‘zini shahar obodligiga daxldor hisoblagan mahalla ahli, o‘sha hududda ijarada turuvchi talabalar ishtirok etdi. Bundan tashqari, tadbirda mahalla raisi boshchiligida mahalla yettiligi aʼzolari, oqsoqollar, faollar va tadbirkorlik subyektlari, Jizzax Davlat pedagogika universiteti masʼullari, talabalar, shahar ekologiya bo‘limi, "Eco House" MCHJ vakillari, mahalliy jurnalist va blogerlar va boshqa mutasaddilar qatnashdi.

Shuningdek, Jizzax shahar hokimi K.Xolmurodov “Zargarlik” mahallasida keng ko‘lamli qurilish-taʼmirlash ishlari o‘tgan yilning dekabr oyida boshlanib, boshqaruv-servis kompaniyalari faoliyatining o‘ziga qariyb 74 milliard so‘mdan ortiq mablag‘ ajratilgani haqida so‘z yuritdi. Bundan tashqari, inson qadri va manfaati qonun va qonunosti hujjatlari, qaror va farmonlarda ham birlamchi ahamiyat kasb etishi zarurligini alohida taʼkidladi. 

Muloqot davomida jurnalist va blogerlar tomonidan aholining belgilanmagan joyga chiqindilarni tashlash, shahar hududida chiqindi solinadigan maxsus idishlarning yetarli emasligi kabi muammolarga ham o‘zgacha yechim va takliflar bildirildi.

✍🏻Jizzax shahar hokimligi Axborot xizmati


⚡️@Jizzax 👇
https://telegram.me/joinchat/AAAAAEkhpZlw68QCcnql2Q