" АБДУЛЛА РУМИЙ "

Гуноҳларимиз  мағфират қилинадиган қимматбаҳо зикрни ёдлаб оламиз!

Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай дедилар: «Ким ҳар бир намоз кетидан ўттиз уч марта Аллоҳга тасбеҳ айтса, ўттиз уч марта Аллоҳга ҳамд айтса, ўттиз уч марта Аллоҳга такбир айтса, юзинчисида «Лаа илааҳа иллаллоҳу ваҳдаҳуу лаа шариика лаҳ, лаҳул мулку ва лаҳул ҳамд, ва ҳува ъалаа кулли шайъин қодиир» деса, гуноҳлари денгиз кўпигича бўлса ҳам мағфират қилинади» (Имом Муслим ривояти).

"Ал-Азкор" китобидан

БИЗГА ҚЎШИЛИНГ

✍🏼 https://t.me/abdulla_rumiy 👈🏼

РАМАЗОН ТАВСИЯЛАРИМ

1. Дастурхонни расмга олиб, ижтимоий тармоқларда "Ифторга келинглар" деб, расмларни жойламанг.

Сизнинг нима кавшаниб, нима чайнашингизнинг бошқаларга сариқ чақалик ҳам аҳамияти йўқ! Рўза деганда ифторда бўкишни тушунсангиз — Рамазондан топганингиз фақат очлик бўлади.

2. Таровеҳ намозидаги турли видео ва расмларни ижтимоий тармоқларга жойламанг.

Сиз келмасангиз ҳам масжид аҳли намозини ўқийди. Сизнинг бор ёки йўқлигингиз ҳеч кимга сезилмайди ҳам. Бошқа вақт беш дақиқалик фарзни ўқишга эриниб, Рамазонда эса икки соатлик нафлда индамай тик туришингиз сизни тақволи қилиб кўрсатмайди.

3. Намоз, саҳарлик ва ифтор вақтини ижтимоий тармоқларда ҳаммага эслатишингиз шарт эмас.

Мўминлар буни сиздан ҳам яхши биладилар. Сиз ғафлат босиб ухлаб ётган вақтларингизда ҳам мўминлар амалларида бардавом эдилар.

4. Бировга қилаётган эҳсонингизни ҳаммага ошкор қилишингиз шарт эмас.

Одамлар сизни қачон эҳсон қилишингизни кўришга муштоқ юрмагандилар. Уларнинг меҳри ва эътибори учун ўзингизни бу қадар куйинтиришингизга хожат йўқ. Рамазондан сўнг яна аввалги ҳаётингизга қайтишингизни ҳамма яхши биладилар.

🌗🌘🌑🌒🌓
https://t.me/abdulla_rumiy
🌗🌘🌑🌒🌓

Ҳозирги кўпчилик касалликларнинг сабаби — инсоннинг очликни ҳис қилмай қўйганидир! Инсон учун экологик муаммолардан кўра давомий тўқ юриш (бунинг ортидан келиб чиқадиган ортиқча вазн, семизлик эмас) хавфлидир.

Очлик – организмнинг ўзига хос стерилизациясидир. Очликни ҲИС қиладиган тана доимо тўқ юрадиган танага нисбатан соғлом бўлади. Сабаби, очлик натижасида инсон вужудида аутофагия жараёни фаол бўлади. Организмларнинг тозаланишида – стерилизациясида аутофагия жуда муҳим ва асосий жараён.

Ҳужайралар қарийди, ўлади ва ўлик ҳолатида танада қолади. Ўлик ҳужайралар ёғ, оқсил ва углеводлардан иборат. Айнан очлик – аутофагия жараёнида мана шу “биологик чиқиндилар” парчаланиб, ўзлаштирилади. Натижада инсон танаси ўлик ҳужайралардан – “биологик чиқиндилар”дан қутулади. Саратон ҳужайралари ҳам ана шундай тарзда ўзлашади (йўқ қилинади). Ёки, бошқача айтилса, “эритилади”.

Очлик қоннинг кимёвий таркибини яхшиланишига ёрдам беради. Энг аввало, ортиқча глюкоза тўпланмайди, натижада, қандли диабетнинг олди олинади.

Очлик саратон ҳужайралари ҳосил бўлишининг олдини олади. Саратон касалликларида очликка етадиган профилактик усулни ҳали замонавий тиббиёт таклиф этолмаган.

Очлик миянинг тўлақонли ишлашига ёрдам беради. Энг қизиғи, инсон оч қолган маҳалда хотираси яхши ишлайди, айниқса, ўқиган нарсаси миясида қолади. Инсон тўқ бўлса, тана инсон учун эмас, балки, биринчи навбатда, таомни – ёғ, оқсил ва углеводларни парчалашга ўтади. Тана аъзолари зўриқиб ишлайди. Очликда эса аксинча жараён кетади, тана аъзоларининг юкламаси кам бўлади. Ҳар нарса ишлатилаверса эскиради, қобилиятини йўқотади. Тана аъзоларимиз ҳам шундай. Очлик жараёнида тана аъзолари пассив тиним ҳолатига ўтади. Эътибор беринг, очлик вақтида одам ҳожатга кам боради. Бу дегани, ошқозон, ичак, буйрак, жигар... каби аъзолар дам оляпти. Ўйлаб кўринг, ўзингиз дам олмай ишласангиз қай аҳволга тушасиз?

Энди яна бир ўйлаб кўринг: кечки овқат рациони кучли бўлса, тана аъзолари туни билан ишлаб чиқади. Одамнинг ўзи ухлайди, аъзолар эса ишлайди, дам олмайди. Касалликлар шундан бошланади.

Ҳазрат пайғамбар соллаллоҳу алайҳи васаллам буюрадилар: “Қалбларингизни очлик билан нурлантиринг, нафсингизга қарши жиҳод қилиб, унинг тарбиялашда очликни ва ташналикни қурол сифатида ишлатинг...”

Абу Ҳомид Ғаззолий “Мукошафатул қулуб” асарида ёзади: “Қорин тўйгунча ейиш қалбни сўқир қилади ва инсоний феъл-атворлар йўқолишига сабаб бўлади...”

Шу асарда яна ёзилади: меъдани қалб остида қайнаётган ва буғларини унга қаратган идишга ўхшатишади. Буғ кўпайгани сари у етиб борган жой ҳам шунчалик безовта-беҳузур бўлиб, хира тортади. Шунга ўхшаш, меъда ҳам тўлдирилганига монанд равишда қораяди ва заифлашади. Кўп еган одамнинг ақли заиф бўлади, илм ўргана олмайди. Чунки, доимий тўқлик ва очкўзлик ақлни сўқир қилади.

Бу ерда муттасил оч юрилсин, деган даъват йўқ, фақат тананинг маълум муддат очликни ҳис қилиши ҳақида сўз бормоқда. Зеро, очликни ҳис қилиш ва очлик ўртасида фарқ бор.

Демак, очлик инсоннинг ҳам жисмонан, ҳам руҳан тикланишига ёрдам беради. Шунинг учун, инсон доимо тўқ бўлмасдан, ҳеч бўлмаса, кунига бир марта очликни ҳис қилишида унга жуда катта манфаат бор.

✍️ Бахтиёр Абдуғафур

🌗🌘🌑🌒🌓
https://t.me/abdulla_rumiy
🌗🌘🌑🌒🌓

— Устоз! Рамазон ойида шайтонлар занжирбанд қилинса ҳам, инсон гуноҳ содир қилаверади. Бунинг сабаби нима?
— Шифтдаги вентиляторни кўрганмисан? Уни ўчирганингдан кейин ўша заҳоти айланишдан тўхтайдими?
— Йўқ, балки бир вақтгача айланиб, кейин тўхтайди.
— Шайтон инсонни чалғитиш учун Рамазондан олдин кўп ҳаракат қилади. Рамазон киргач (шайтонлар кишанлансада) инсон ўзи ҳам гуноҳларни давом эттираверади, адоғига етказаверади. Кейин ўзига келиб қараса, Рамазон ойи ҳам ниҳоясига етиб қолган бўлади.
Раҳмат эшикларининг энг кенг очиладиган пайти Рамазон ойида бўлади. Ким бу эшикдан ушбу ойда кира олмадими, демак, ундан бошқа пайт ҳам кира олмаслиги аниқ.

🌗🌘🌑🌒🌓
https://t.me/abdulla_rumiy
🌗🌘🌑🌒🌓

Биродарим, ғойибдаги қадрдоним,  диндошим,  Рамазон муборак Аллоҳ  рози бўлган бандаларидан бўлайлик Бу дунёда дийдор насиб этмаса,  Райён Жаннатларида кўришишлик бахти билан сийласин!
Суйганим, кутганим Рамазоним хуш келдинг, сафо келдинг!
Бирдамлик, ҳамжиҳатлик, эзгулик, муҳаббат, тақво, раҳмат ойи бўлмиш Рамазоним, сенга етказган меҳрибон Роббимга ҳамду санолар бўлсин

Рамазон ойидаги ўғрилардан эҳтиёт бўлинг.

Рамазон ойидаги ўғрилар сизнинг мол-мулкингизни эмас, сиз учун энг қимматли бўлган вақтингизни ўғирлайдилар. Натижада, саноқли кунлардан иборат бўлган Рамазон ойини бефойда ўтказиб, ҳеч қандай савоб топмай қоласиз.

Рамазон ойидаги ўғрилар;

Биринчиси, телевизор. Кунингизни телевизор қаршисида ўтказиб, бефойда сериалларни томоша қилиб вақтингизни зое қилманг.

Иккинчиси, телефон. Узоқ вақт кимлар биландир керак-нокерак гапларни гаплашиб, уни орасида ғийбат, бўҳтон, ёлғон-яшиқ гапларни ҳам аралаштириб рўзангизни савобини кетказиб қўйманг.

Учинчиси, ижтимоий тармоқлар. Агар улардан Аллоҳни розилигига сабаб бўладиган мақсадларда фойдаланмасангиз, уни ҳам йиғиштириб қўйинг. Чунки, вақтнинг энг катта ўғриси ижтимоий тармоқлардир.

Тўртинчиси, Аллоҳнинг зикридан холи бўлган турли хилдаги ўтиришлар, йиғилишлар ҳам Рамазондаги қимматли вақтнинг ўғриси ҳисобланади.

Рамазон ойидаги саноқли кунларимизни ўғриларга бериб қўймайлик.

🌗🌘🌑🌒🌓
https://t.me/abdulla_rumiy
🌗🌘🌑🌒🌓

Сўзим тегишли бул дам,
Қишлоғу шаҳарликка.
Уйқуга бериб барҳам,
Туринглар саҳарликка!

Шайтонни куюнтириб,
Оловдан кийинтириб,
Аллоҳни суюнтириб,
Туринглар саҳарликка!

Субҳ дилни сато қилур,
Тангрим ризқ ато қилур.
Турмаган хато қилур,
Туринглар саҳарликка!

Турсак, гуноҳлар азон -
Тўкилар мисли хазон.
Бу ой - моҳи Рамазон,
Туринглар саҳарликка!

Файзиёб субҳи содиқ,
Олмагай биздан солиқ.
Бизни халқ қилган Холиқ,
Туринглар саҳарликка!

Бизга омонат бу жон,
Уни айлайлик омон.
"Аллоҳу акбар", дебон,
Туринглар саҳарликка!

Ғафлат - дўзахий ўчоқ,
Ёхуд шайтоний қучоқ.
Иблисга санчиб пичоқ,
Туринглар саҳарликка!

Кимки, ғафлатдан нари,
Бўлмас каму кўстлари.
Эй, Ботирнинг дўстлари,
Туринглар саҳарликка!

©️ Ботиржон Эргашев

🌗🌘🌑🌒🌓
https://t.me/abdulla_rumiy
🌗🌘🌑🌒🌓