Urgut sadosi gazetasi

#Бугун

154-умумтаълим мактаби фаоллар залида туман ҳокими Ботир Жабборов ва сектор раҳбарлари иштирокида ёшлар тарбияси ва улар ўртасида жиноятчиликни олиш мавзусида йиғилиш бўлиб ўтди.

Унда ёшлар етакчилари ва профилактика инспекторлари, мутасадди ташкилотлар ва оммавий ахборот воситалари вакиллари иштирок этишди.

- Ёшлар томонидан содир этилаётган жиноятларнинг асосий сабабларидан бири – етарли даражада маънавий-ахлоқий тарбиянинг мавжуд эмаслигидир. Ота-она назоратининг сусайиши, ёмон муҳит таъсири, интернет ва ижтимоий тармоқлардаги салбий таъсирлар ҳам ёшларнинг нотўғри йўлга кириб қолишига сабаб бўлади, - деди туман ҳокими ўз сўзида.

Шунингдек, ёшларга тўғри тарбия бериш, уларни маънавий етук шахс қилиб тарбиялаш нафақат давлат ва жамоат ташкилотларининг, балки ота-оналар, ўқитувчилар, ёши улуғ инсонлар, зиёлиларнинг вазифаси эканлиги ҳақида сўз кетди.

@Urgutsadosigazetasi

Қадриятлар – ҳар бир миллатнинг маънавий қиёфасини намоён этади. Халқимизнинг асрлик ўтмиши, қадриятлари ва миллий маданиятини акс эттирувчи миллий либосларимиз қадриятларимизнинг муҳим қисми бўлиб, бутун миллатнинг маънавий қиёфасини ўзида намоён этади.

Ҳозирги пайтда корхона ва ташкилот ходимлари чиройли миллий либосларда ўз иш жойларида фаолият олиб боришмоқда. Миллийлигимизни ўзида акс эттирган атлас, адрас кийимлар кўзни қувонтиради.

Ургут туман тиббиёт бирлашмасига қарашли ички касалликлар бўлими ходимлари ҳам миллий ифтихоримиз бўлган либосларда беморларга хизмат кўрсатмоқдалар.

@Urgutsadosigazetasi

#Миллий_либослар_тарғиботи_куни

Ургут туман Камбағалликни қисқартириш ва бандликка кўмаклашиш бўлими ходимлари ва маҳаллалардаги ҳоким ёрдамчилари ҳам миллий либослар тарғиботида фаол иштирок этмоқда.

Улар бугун иш фаолиятларини қадриятларимиз кўзгуси бўлган миллий либосларда олиб боришяпти.

@urgutsadosigazetasi

Проактив пенсия қандай тайинланади?

2025 йил 1 мартдан бошлаб пенсия ёшига етган фуқароларга пенсиялар “автоматик” тарзда, ҳеч қандай ҳужжат талаб этмаган ҳолда, фуқаронинг мурожаатисиз тайинланади.

Фуқаронинг шахсига оид барча маълумотлар вазирлик ва идораларнинг электрон базаларидан олинади.

Натижада:

Биринчидан, пенсия тайинлаш учун Пенсия жамғармасининг ҳудудий бўлинмасига мурожаат қилиш талаб этилмайди.

Иккинчидан, қонунчиликда белгиланган талаблар доирасида пенсия тайинлаш ҳақида қарор қабул қилинганида унинг телефон рақамига “пенсия тайинланганлиги, унинг миқдори” тўғрисида смс юборилади.

Шунингдек, пенсияга чиқмасдан иш фаолиятини давом эттириш истагида бўлган ёки пенсия миқдоридан норози бўлган фуқароларга “автоматик” тайинланган пенсияни рад этиш ҳуқуқи берилмоқда.

Фуқаролар пенсия миқдоридан ёки пенсия тайинланиши рад этилганидан норози бўлган тақдирда Пенсия жамғармасининг туман (шаҳар) бўлимига тегишли тартибда ариза билан мурожаат қилишлари мумкин.

@Urgutsadosigazetasi

#Миллий_либослар_тарғиботи_куни

Миллий либослар –
миллий қадриятимизга ҳурмат белгиси ҳисобланади.

"Адолат" СДП Ургут тумани Кенгаши томонидан қадриятларимизни тарғиб қилувчи анъанавий миллий либослар тадбири ўтказилди.

Тарихий меросимизга эҳтиром белгиси сифатида ўтказилган ушбу тадбирда тумандаги ташкилот ва муассасалар ходимлари иштирок этишди.

- Ёш авлодни ёт ғоялар таъсиридан ҳимоя қилиш, миллий ва умуминсоний қадриятларга, урф-одатларга содиқлик руҳида тарбиялаш энг асосий вазифаларимиздан биридир. Шу жумладан, фарзандларни миллий либослар кийишга тарғиб қилиш ҳам тарбиянинг, ҳам қадриятларга бўлган ҳурматнинг шаклланишига ижобий таъсир ўтказади, - дейди партия туман кенгаши раиси, халқ депутатлари туман кенгаши депутати Замира Абдураҳмонова.

@urgutsadosigazetasi

#Бугун_туғилган_кун

Бугун "Ургут садоси" газетаси муҳаррир ўринбосари, жонкуяр ходим, моҳир журналист Нусрат Бобоев таваллуд топган кун.

Нусрат Бобоев 1977 йил 20 февралда Ургут туманида туғилган. 1999 йил Самарқанд давлат университетининг журналистика факультетини тамомлаган.

"Даракчи" газетасида ижодий ходим, Ўзбекистон телерадиокомпанияси "Ёшлар" телеканалининг "Давр" информацион дастурида муҳаррир ва шу дастурнинг Самарқанд вилояти бўйича мухбири сифатида фаолият олиб борган.

2017 йилдан буён "Ургут садоси" газетасида самарали меҳнат қилиб келмоқда.

Таҳририятимиз номидан Нусрат Бобоевнинг бугунги таваллуд айёми билан табриклаб, келгуси иш ва режаларига улкан муваффақиятлар тилаб қоламиз.

Таваллуд айёмингиз муборак бўлсин!

Ҳурмат билан "Ургут садоси" газетаси ходимлари.

@Urgutsadosigazetasi