Eylat portining ahamiyati.
Eylat port shahri Isroilning janubi-sharqida, Qizil dengizning Aqaba koʻrfazining shimolida joylashgan shahar. 1948-yilda Isroil davlati tuzilgach rasman uning tarkibiga kiritilgan. 1950-yillarda shahar Isroilning muhim turistik va transport markaziga aylandi.
2023-yil 7-oktyabrdagi HAMAS hujumlariga qadar Eylat shahri muhim xalqaro transport porti edi. Eylat shahri Isroilning Qizil dengizdagi yagona porti boʻlib, Hind okeani va Osiyo mamlakatlari bilan savdoda muhim ahamiyatga ega. Qolaversa, shahar Isroil harbiy dengiz kuchlarining muhim bazasi sanaladi. Shahr Isroil markazidan uzoqda joylashganligi sababli temiryoʻl tizimi mavjud emas. Port Isroilning Oʻrta yer dengizidagi shaharlarni Osiyo bilan bogʻlaydi. Suvaysh kanalida tirbandlik sodir boʻlgan vaqtda Eylat porti kemalarni qabul qiladi.
Shahar orasidagi masofa 5-10 kilometrni tashkil qiluvchi Misrning Tabo va Iordaniyaning Aqaba shaharlari bilan integratsiyalashgan. Tabo va Eylat shaharlari yevropalik sayyohlarni, Aqaba shahri esa asosan arab davlatlaridan keladigan sayyohlarni oʻziga jalb qiladi.
Iordaniya va Isroil oʻrtasida 1994-yilda tuzilgan tinchlik shartnomasi tufayli iqtisodiy hamkorlik yoʻlga qoʻyilgan. Misr va Isroil oʻrtasidagi iqtisodiy aloqalar cheklangan, ammo Sinay yarimorolida dengiz turizmini rivojlantirish maqsadida Misr hukumati Isroil bilan hamkorlik qilmoqda. Eylat porti Misr va Iordaniya oʻrtasidagi savdo va transport yoʻlagi sanaladi.
HAMAS hujumlaridan soʻng Yaman xusiylari Qizil dengiz janubidagi Adan koʻrfazini toʻsib qoʻyishi tufayli Eylat portining ish faoliyati toʻxtab qoldi. 2024-yil iyulda port rasmiylari uning bankrot boʻlganligini va oʻz faoliyatini toʻxtatganligini e'lon qildi. Turizm salohiyatini saqlab qolayotgan boʻlishiga qaramay xusiylar blokadasi sababli xalqaro suv yoʻlining oʻzgarishi natijasida Eylat porti oʻzining strategik ahamiyatini yoʻqotdi.
✅ Ijtimoiy tarmoqlardagi sahifalarimiz
📱Twitter 📱YouTube 📱Facebook
📱Instagram 📱Telegram
Eylat port shahri Isroilning janubi-sharqida, Qizil dengizning Aqaba koʻrfazining shimolida joylashgan shahar. 1948-yilda Isroil davlati tuzilgach rasman uning tarkibiga kiritilgan. 1950-yillarda shahar Isroilning muhim turistik va transport markaziga aylandi.
2023-yil 7-oktyabrdagi HAMAS hujumlariga qadar Eylat shahri muhim xalqaro transport porti edi. Eylat shahri Isroilning Qizil dengizdagi yagona porti boʻlib, Hind okeani va Osiyo mamlakatlari bilan savdoda muhim ahamiyatga ega. Qolaversa, shahar Isroil harbiy dengiz kuchlarining muhim bazasi sanaladi. Shahr Isroil markazidan uzoqda joylashganligi sababli temiryoʻl tizimi mavjud emas. Port Isroilning Oʻrta yer dengizidagi shaharlarni Osiyo bilan bogʻlaydi. Suvaysh kanalida tirbandlik sodir boʻlgan vaqtda Eylat porti kemalarni qabul qiladi.
Shahar orasidagi masofa 5-10 kilometrni tashkil qiluvchi Misrning Tabo va Iordaniyaning Aqaba shaharlari bilan integratsiyalashgan. Tabo va Eylat shaharlari yevropalik sayyohlarni, Aqaba shahri esa asosan arab davlatlaridan keladigan sayyohlarni oʻziga jalb qiladi.
Iordaniya va Isroil oʻrtasida 1994-yilda tuzilgan tinchlik shartnomasi tufayli iqtisodiy hamkorlik yoʻlga qoʻyilgan. Misr va Isroil oʻrtasidagi iqtisodiy aloqalar cheklangan, ammo Sinay yarimorolida dengiz turizmini rivojlantirish maqsadida Misr hukumati Isroil bilan hamkorlik qilmoqda. Eylat porti Misr va Iordaniya oʻrtasidagi savdo va transport yoʻlagi sanaladi.
HAMAS hujumlaridan soʻng Yaman xusiylari Qizil dengiz janubidagi Adan koʻrfazini toʻsib qoʻyishi tufayli Eylat portining ish faoliyati toʻxtab qoldi. 2024-yil iyulda port rasmiylari uning bankrot boʻlganligini va oʻz faoliyatini toʻxtatganligini e'lon qildi. Turizm salohiyatini saqlab qolayotgan boʻlishiga qaramay xusiylar blokadasi sababli xalqaro suv yoʻlining oʻzgarishi natijasida Eylat porti oʻzining strategik ahamiyatini yoʻqotdi.
✅ Ijtimoiy tarmoqlardagi sahifalarimiz
📱Twitter 📱YouTube 📱Facebook
📱Instagram 📱Telegram