🇮🇷 Эрон газ етишмовчилигидан азият чекмоқда. Шанба куни ҳукумат 12 та нефт-кимё корхонасига газ етказиб беришни тўхтатди. Шунингдек, аҳолидан бу танқис маҳсулот истеъмолини 10 фоизга қисқартиришни сўради.

Эрон табиий газ захиралари бўйича дунёда иккинчи ўринда туради.

Шу билан бирга, мамлакатда инфляция тезлашиб бормоқда: сентябрь билан солиштирганда, миллий валюта риал 30%дан кўпроққа қадрсизланган. 29-декабрь куни Теҳроннинг асосий бозорида кичик ҳунармандлар ва савдогарлар шу сабабли иш ташлашлар амалга оширишди. 1979-йилда шунга ўхшаш норозиликлар Ислом инқилобининг бошланишига ва охир-оқибат шоҳ режимининг ағдарилишига сабаб бўлган эди.

Мамлакат элитасида юз бераётган воқеалар туфайли низолар кучаймоқда, айбдорни топишга ҳаракат қилишмоқда. Парламент депутатлари иқтисод ва энергетика вазирларининг истеъфосини талаб қилиб, имзо йиғишни бошлашди. Президент Пезешкиян Эрон иқтисодиётини бошқариш қийинлигини, чунки ҳамма нарса талон-тарож қилинган ва “керакли чўнтакларга” яширилганини айтиб чиқди. Шунингдек, у кескин ислоҳотлар ўтказиш учун ўзига мандат талаб қилмоқда.

👉@Tezkor_Qoraxabar

📍Siyosiy va tezkor xabarlarni biz bilan kuzatib boring.