Korrupsiyaga qarshi kurashish agentligi tomonidan “Yuksalish” harakati va “Mintaqaviy muloqot” xalqaro tashkiloti hamkorligida 2020-yildan buyon “Aksilkorrupsiya laboratoriyasi” loyihasi amalga oshirilmoqda.

Loyiha statistik maʼlumotlar, OAVdagi mavzuga oid materiallar, ilmiy maqolalar, qonunchilik, respublika bo‘ylab maqsadli guruhlar o‘rtasida o‘tkazilgan so‘rovlar va xalqaro tajribani tahlil qilishning turli usullaridan foydalangan holda korrupsiya xavfi omillarini o‘rganish imkonini beruvchi ekspertlik platformasidir.

Maqsad: Respulika bo‘yicha korrupsiya xavfi va nohalollikni baholashni tadqiq etish uslublari va mexanizmlarni yaratish, tadqiqotlarga keng jamoatchilikni jalb qilish.

Shu kungacha loyiha doirasida 5 ta muhim yo‘nalishda tadqiqot o‘tkazildi.

Tadqiqotlar natijasida aniqlangan har bir korrupsiya xavfi omillarining oldini olish, bartaraf etish va minimallashtirish bo‘yicha ekspertlar tomonidan taklif va tavsiyalar ishlab chiqilgan bo‘lib, ularni amalga oshirish choralari ko‘rib kelinmoqda.

Tadqiqotlar va ularning yakuniy natijlari, ekspertlarning xulosa va takliflari, tavsiyalari bilan quyida tanishish mumkin:

▫️Boshlang‘ich maktabga qabul qilishda korrupsiya xavf-xatarini baholash

▫️Davlat-xususiy sheriklik asosida maktabgacha ta’limmuassasalarini tashkil etish va faoliyat ko‘rsatishida nohalollik va korrupsiya
xavf-xatari omillarini baholash

▫️Oliy taʼlim muassasalari talabalarining bilimini baholashda nohalollik va korrupsiya omillari

▫️Akusherlik xizmatlarini ko‘rsatishdagi korrupsiya xavflari

▫️Ipoteka krediti bo‘yicha davlat subsidiyalarini ajratishdagi korrupsiyaviy xavflari va muammolar
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt