Xoh erkak bo'lsin, xoh ayol, odam iffati bilan maftun qiladi. Chunki iffatda pokizalik bor, saqlanish bor.

Odam fitrati bilan poklikni, toza narsani yaxshi ko'radi.

Yuzga surtilgan bo'yoqlar, badanning ochilgan joylari va har xil shahvoniy ilmoqli gaplar nafsni faqat bir muddat aldashi mumkin. Bunday narsalarni ko'rgan va iste'mol qilgan nafs endi bu bilan qoniqmaydi.

Shu sababli kim ko'zini asrasa va o'zini ham ko'zlardan asrasa, ana o'sha toifa haqiqiy orom va sakinat topadi. Eng shirin ne'matlar ham ularga nasib etadi.