Adashmasam 6-sinf Qadimgi dunyo tarixi darsligida o'qigandim. Ya'ni Iso payg'ambarni samoga ko'tarilgani haqida qisqacha yozilgan. Bu haqida ma'lumot topgan holda yozmoqchiman.
QANCHALAR NOYOB BIR INSON EKANINGNI BILASANMI O'ZI?
Qanchalar noyob inson ekaningni bilasanmi o'zi? Alloh seni qanday muazzam qilib yaratganini, senga qanday ne'matlar tayyorlab qo'yganini va ustingda kimlar talashib yotganini anglayapsanmi? Senga aytsamki, birgina soch tolang ham boshqa barcha yaratiqlardan afzal, o'qigan bir rakat namozing, tutgan bir kunlik ro'zang, qilgan eng kichkina xayr-u hasanoting ham boshqa din vakillarining jamiki ibodatlaridan Allohga maqbuldir. Muvaffaqiyatsizliklarga sabr etishing, U Zotga shukr qilishing o'tib ketgan hamma odamlardan ancha afzaldir.
Xo'sh, bu masalalar bo'yicha menga ishonarmiding?
Ishon! Nihoyatda aziz va mukarramsan.
Endi senga qanchalar noyob bir inson ekaningni isbotlab beraman. Faqatgina sendan bir necha daqiqaga bo'lsa-da, dard-u g'amlaringni, tashvish-u yumushlaringni, dunyoviy ho-yu havaslaringni bir chetga surib, yolg'iz mana shu satrlarga e'tibor berishingni so'rayman.
Muso alayhissalom Tavrotdan tilovat qilib:
''Yo Rabbiy, men bir ummat ko'rdimki, ular ummatlarning eng xayrlisidir. Imonga kelishlari uchun boshqalarga amrima'ruf va nahiymunkar qiladilar (Amrima'ruf va nahiymunkar odamlarni yaxshilikka buyurib, yomonlikdan qaytarish demakdir). Va ular ilk va so'nggi Kitobga ishonadilar. Dajjol bilan kurash olib boradilar: Mana shu kishilarni menga ummat qilib ber''
, - dedi.
Alloh taolo:
''Ey Muso, ular Ahmadning (Muhammad sollallohu alayhi vasallamning) ummatidir'',
deya marhamat qildi.
Buni eshitgan Muso alayhissalom:
''Yo Rabbiy, bu ummat juda ham hamd aytadi, biror ishni niyat etsa, albatta, In shaa Alloh deydi. Ularni menga ummat qilib ber'',
- dedi.
Alloh taolo yana:
''Ey Muso, ular Ahmadning (Muhammad alayhissalomning) ummatidir'',
- deb marhamat qildi.
Muso alayhissalom tag'in Tavrotga qarab:
''Yo Rabbiy, men bir ummat ko'ryapmanki, ular mansab pillapoyalaridan ko'tarilsa, takbir aytadi, aksincha, g'arib holatga tushib qolsa, hamd aytib Rabbiga shukr qiladi. Ular uchun Yer yuzining tuprog'i pok qilindi. U tuproqda najosatdan va habislikdan, xuddi junublikdan suv bilan poklangandek poklanadilar. Butun Yer yuzi ularning masjidlaridir. Ya'ni qayerda xohlasalar, o'sha joyga ibodat qilaveradilar. Ularni menga ummat qilib ber '',
- dedi.
Alloh taolo tag'in:
''Ey Muso, ular Ahmadning (Muhammad sollallohu alayhi vasallamning) ummatidir''
,
- deb marhamat qildi.
Muso alayhissalom yana Tavrotdan o'qigan holda:
''Yo Rabbiy, ular bir ummatki, Mus'haflari (Qur'onlari) qalblaridadir. Namoz o'qiyotganda farishtalardek safga tiziladilar. Masjidlarda xuddi bolarilardek ularning ovozlari eshitiladi. Ulardan juda ham oz qismi jahannamga tushadi. Ularni menga ummat qilib ber'',
- deya arz etgan edi, Alloh taolo yana:
''Ey Muso, ular Ahmadning (Muhammad sollallohu alayhi vasallamning) ummatidir'',
- deya marhamat qildi.
Muso alayhissalom Payg‘ambarimiz sollallohu alayhi vasallamning ummatlariga ato etilgan ne'matlardan boxabar bo'lgach, o'sha ummatning o'z ummati bo'lishini istadi. Biroq Haq taolo bu tilakni qabul etmay, unga tasalli berdi...
