Bugun Innovatsion rivojlanish va axborot texnalogiyalari qo’mitasida ham “O'zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi va dasturni tasdiqlash to’g’risidagi Prezident Farmonida belgilangan vazifalar atroflicha muhokama qilindi.
Muhokama davomida davlat dasturida belgilangan sog‘liqni saqlash tizimini raqamlashtirish, hamda iqtisodiyotning turli jabhalarida axborot texnologiyalarini joriy etish samaradorligini oshirish masalalariga alohida e’tibor qaratildi.
Xususan, 2025 yil 1 oktabrdan boshlab davlat xizmatlarida qog‘oz shaklidagi hujjatlar aylanmasini to‘liq elektron shaklga o‘tkazish belgilangan. Bu kabi ortiqcha hujjatlar talabini kamaytirish aholi uchun qulaylik yaratadi, davlat xizmatlari sifati va shaffofligini oshirishga xizmat qiladi.
Sog‘liqni saqlash tizimida raqamlashtirishni jadallashtirish, shifokor qabuli va navbat tizimini to‘liq elektron shaklga o‘tkazish;
2025 yil 1 noyabrgacha tibbiy sug’urta mehanizmlari joriy qilinayotgan hududlarda retsept asosida beriladigan dorilar uchun “elektron retsept” tizimi asosida tayinlash amaliyotini yo’lga qo’yish kabi vazifalar tibbiy xizmat sifatini oshirish bilan birgalikda tizimda shaffoflikni ta’minlashda katta ahamiyatga ega.
Dasturda belgilangan vazifalardan kelib chiqib Qo’mitaning joriy yilgi ish rejasida ham muhim yo’nalishlar belgilashga kelishib olindi.
@Shaxnoza_Xolmaxamatova