Hojilarimizga murojaat: "Xolis amal qiling"Muftiy shayx Nuriddin Xoliqnazar hazratlari hojilarimizga juda ta’sirli murojaat
yo‘llabdilar.Xabaringiz borki, muqaddas haj ziyoratiga ketgan yurtdoshlarimiz birin-ketin qaytib kelishmoqda. Bunaqa paytlarda eng keng tarqalgan,
AMMO SHARIATDA YO‘Q BO‘LGAN an’anaga ko‘ra, hajga borgan hojilar dabdabali to‘y qiladi, yana bitta hajning xarajatini qilib, el-yurtga dasturxon yozadi, sovg‘a-salom ulashadi.
Bunaqa dabdabalar shariatimizda yo‘qligi, aksincha Alloh isrofgarlarni yomon ko‘rishi, undan ko‘ra shu mablag‘larni ehsonga, muhtojlarga sarflasa, savobi ko‘proq bo‘lishi haqida ulamolarimiz minglab chiqishlar qilishgan. Lekin deyarli foydasi bo‘lmaydi.
"Odamlar nima deydi?", "Uyat bo‘ladi", "Hajga borsagu, "Hoji to‘y" qilmasak, xalq orasida qanday bosh ko‘tarib yuramiz" degan gaplar baribir nafsimizga tinchlik bermaydi.
Na hojilarimiz, na ularni kutib olayotgan yaqinlari bu "an’ana"ga qarshi chiqa oladi.
Yurak yutib, qat’iyat bilan ulamolarning maslahatiga amal qiladiganlar barmoq bilan sanarli bo‘lsa kerak.Nima qilish mumkin, ochig‘i, men bilmayman. Qo‘limdan keladigani, hojilarimizga ulamolarning gaplarini yetkazish va ularga to‘g‘ri yo‘lni yana bir bor eslatish. Buning foydasi bo‘ladimi, yo‘qmi, Allohga ayon.
Eng avvalo barcha mo‘minlarga Haj ziyoratiga borish nasib qilsin. Hajga borganlarning esa ibodatlarini Yaratganning o‘zi dargohida qabul qilsin.
👉
@xushnudbek 👈
