Sayxunobod tuman hokimligi | RASMIY

Soliq qarizdorligini o'z vaqtida to'lang

Majburiy ijro byurosi Sayxunobod tumani bo'limi tomonidan "Sh.y" fermer xo'jaligidan 1 ta traktori hamda fuqaro "R.I"ning soliq qarzini undirish uchun 4 ta traktor tirkamasi xatlab, jarima maydonchasiga joylashtirgan.

Bundan tashqari fuqaro "E.M"ning 344 million so‘m soliq qarzini undirish uchun avto mashinasi xatlanib elektron auksionda 129 million 412 ming so'mga sotildi.

Traktorlar va traktor tirkamalari elektron auksionda sotilib, tushgan mablag‘lar qarzdorlikni qoplashga yo‘naltiriladi.

Hurmatli fuqarolar, fermer xo'jaligi rahbarlari, va tadbirkorlar davlat oldidagi soliq qarizdorliklaringizni o'z vaqtida to'lang, aks holda soliq qarizdorlikni undirish mol-mulkingizga qaratiladi.

🚀Telegram 🟦Web-site 🔵Facebook

Milliy libos – milliy iftixor!

➡️ Har bir xalqning o‘ziga xos urf-odati, an’analari va madaniy merosi bor. Milliy liboslar esa ana shu bebaho merosning yorqin timsolidir. Ular nafaqat go‘zallik va nafislik, balki xalqning tarixini, o‘ziga xosligini, san’ati va didini aks ettiradi.

➡️ Bugun milliy liboslar zamonaviylik bilan uyg‘unlashib, kundalik hayotimizga qaytmoqda. Ular nafaqat bayramlarda, balki ishda, tadbirlarda, kundalik turmushda ham faxr bilan kiyilmoqda. Chunki milliy libos – bu milliy g‘urur, bizning ajdodlarimizdan qolgan bebaho meros!

Shu jumladan bugun, Sayxunobod tumani hokimligi hodimlari "Milliy liboslar kuni" tadbirida faol ishtirok etishdi.

🚀Telegram 🟦Web-site 🔵Facebook

Zangiota tumaniga tashrif: Ilg‘or tajriba va yangi tashabbuslar

Sayxunobod tumani hokimligi va tuman Yoshlar ishlari bo'limi hamkorligida tumandagi "Gulbuloq" mahallasining bir guruh migratsiyadan qaytgan yoshlari tajriba almashish maqsadida Zangiota tumanining "Navbahor" mahallasida bo'lishdi.

Tashrif davomida yoshlar Zangiota tumani aholisi tomonidan tomorqalardan foydalanish bo‘yicha ilg‘or tajribalarni o‘rgandi.

Shu paytgacha tumanimizda "Sayxunobod tajribasi" asosida pomidor, bodring, bulg‘or qalampiri, baqlajon, ko‘katlar hamda sitrus mevalari yetishtirilib kelinmoqda. Tumanimizga yangilik bo'lgan Qulupnayni ham issiqxonada yetishtirishni yo'lga qo'yish maqsadida "Gulbuloq" mahallasining yoshlari Zangiota tumani "Navbahor" mahallasida 1 gektar issiqxona maydonida gidroponik usulda qulupnay yetishtirayotgan tadbirkor bilan uchrashdi.

Bu uchrashuvda, gidroponik texnologiya yordamida qulupnayni qanday samarali yetishtirish mumkinligi, bu usulning boshqa an’anaviy usullardan farqlari va afzalliklari, suv va ozuqa moddalarini tejash imkonini yaratishi, shuningdek, hosilni yuqori sifatda olish haqida ma’lumot berildi.

Ushbu tashrif Sayxunobod tumani yoshlari uchun nafaqat amaliy bilim olish, balki qishloq xo‘jaligi sohasida innovatsion yondashuvlarni o‘zlashtirish uchun ham katta imkoniyat yaratdi.

🚀Telegram 🟦Web-site 🔵Facebook