Ancha oldin bir yaqin do'stimdan "Falonchi qanaqa qiz? Iloji bo'lsa, rostini ayting" - deb so'ragandim.

"O'zi yaxshi qiz, lekin dangasaroq" - degandi.

Juda yaxshi so'zlar ko'p eshitganman, o'zim ham bilaman yaxshiligini. Lekin faqat shu do'stimning gapi esimda qolib ketgandi. Nega? Nima demoqchiman o'zi?

Kishi o'zini ayblarini oshkor qilmasligi lozim. Samimiylik bu orqali bo'lmaydi. (Bularni yaqinda tushunib yetdim)

Xatolaringizni kimgadir aytish o'rniga, ularni to'g'rilashga harakatga qilsangiz yaxshiroq. "Ularni aytaman, meni qandayligimni bilsin-da" desangiz, ko'ngillardan qolib ketasiz, ishoning. Chunki kishilar insonni yaxshi xislatini emas, balki yomon jihatini eslab qolishga moyilroq bo'lishadi. Garchi o'zlarining xatolar siznikidan ko'p bo'lsa ham, ehtimol.

Jaloliddin Rumiy aytgandek: "Ko'ringaningiz kabi bo'ling yoki bo'lganingiz kabi ko'rining" Eplolmasangiz, hech yo'g'ida shunga harakat qiling. Yaxshisi, o'z holingizdan ziyoda ko'rinib qolishdan ehtiyot bo'ling. Lekin hech qachon "O'z holimcha ko'rinishim kerak" ekan deb o'z kamchiliklaringizni aytib yurmang.

@Saidxon_Avazxonov