Xonqa tuman ixtisoslashtirilgan maktabi

#Xonqa_IM. Umumiy yig‘ilish.
20-dekabr kuni Xonqa tuman ixtisoslashtirilgan maktabida haftalik yig‘ilish o‘tkazildi. Unda ta'lim-tarbiya jarayoni tahlil qilindi. Yig‘ilish so‘nggida maktabda o‘tkazilgan ma'naviy-ma'rifiy tadbirlarda faol va g‘oliblikni qo‘lga kiritgan jamoalar taqdirlanishdi. Jumladan, "Zakovat" intellektual o‘yinining "Zakovat-quiz" turida g‘oliblikni qo‘lga kiritgan jamoalar, "Turon yo‘lbarslari" harbiy-sport musobaqasining maktab bosqichi g‘olib jamoalari diplom va Maqtov yorlig‘i, O‘zbekiston Respublikasi Milliy gvardiyasi Xorazm viloyati Qo‘riqlash boshqarmasi tomonidan 8-dekabr - Konstitutsiya kuni munosabati bilan viloyat Agentlik maktablari o‘rtasida o‘tkazilgan "Kamondan otish" sport musobaqasida faxrli 2-o‘rinni egallagan Xonqa IM jamoasi a'zolari ikkinchi darajali diplom va kumush medallar bilan taqdirlanishdi.