САЙЙИД БАРАКА

Кибр кирган бошга илм кирмайди

Ибн Синонинг устози Кушёрнинг ҳузурига бир киши осмон илмини ўрганиш мақсадида келибди. 2-3 ой ўтса ҳамки, устози илм беришни бошламаганидан сўнг айтибди:

— Ҳазрат, энди менга жавоб берсангиз. Уч ой бўлди ҳамки дарс бермадингиз. Вақтингиз йўқ шекилли…
Шунда устоз:

— Мен сенга бажонидил дарс берардим-у, лекин сен ҳузуримга келганингдаги "бу илмдан менинг унча-мунча хабарим бор", деган кибр-ҳавойинг ҳали ҳам кетмади. Мен бир идишга қачонки у бўш бўлсагина сув қуяман. Афсус, сенинг калланг ҳаво билаб тўлиб қолган экан,– деб жавоб қилибди.

https://t.me/sayyid_baraka

БИР ҚАДАМ ОЛДИНГА.....

1️⃣. Юқорига чиқишни астойдил хоҳлаган одам нарвонни ўйлаб топади.

2️⃣. Эр ва ҳотин ҳудди кўз ва қўлга ўхшаши керак. Қўл оғриганда - кўз ёш тўкади. Кўз ёш тўкканда - қўл уларни артади.

3️⃣. Кетаётганни ушлаб қолма. Келаётганни ҳайдама.

4️⃣. Тез бу - секин. Аммо тўхтовсиз.

5️⃣. Ёмон одамни дўсти бўлгандан яхши одамни душмани бўлган яхши.

6️⃣. Оддий одамларсиз буюк одамлар бўлмайди.

7️⃣. Агар муаммони ечиш мумкин бўлса ҳавотирланишни кераги йўқ. Агар уни ечишни имкони бўлмаса ҳавотирланиш умуман фойдасиз.

8️⃣. Яхшилаб ўйлаб қарор қил. Қарор қилдингми, ўйлама!

9️⃣. Қуёш ҳалол одамларни билмайди. Қуёш ҳаромхўр одамларни ҳам танимайди. Қуёш кимнидир иситиш мақсадида порламайди. Ўзлигини топган одам худди қуёшга ўхшайди.

1️⃣0️⃣. Узоқ йўл ҳам кичик масофадан бошланади.

1️⃣1️⃣. Ётоқда ётган одам йиқилмайди.

1️⃣2️⃣. Биргина илиқ сўз уч совуқ ойни иситиб юбориши мумкин.

1️⃣3️⃣. Тентак ва аҳмоқларга йўл бўшат.

1️⃣4️⃣. Қўлингдан келганча ҳаракат қил. Кейин тақдирдан умид қил.

https://t.me/sayyid_baraka

Ҳаётни бизга керакли бўлган беш қоидаси:

1) Одамларга ўзингизни ҳаддан ортиқ яқин олманг. Шунда биласиз уларни сизга мухтожлиги борми ёки йўқ. Ҳурматингизни билинг..

2) Қуруқ гапга асло ишонманг. Ҳозирги даврда қуруқ сўзни баҳоси арзон.

3) Сиз уларга керак бўлган ва сиз билан фахрланувчи инсонларни қадрланг. Сиз унга керак эмас инсонларни ортидан қувламанг.

4) Одамларни ўзини оқлаш учун топган сўзларига ишонманг. Агар хоҳиш бўлса ҳар қандай ҳолатда имкон топиб, бажаради.

5) Сиз одамларни ўз дунёқарашингиз билан баҳоламанг. Сиз кимлар учундир нималаргадур тайёрдирсиз аммо, у инсон сиз учун ҳеч нарса қилишга тайёр бўмаслиги мумкин ёки бунинг акси.

https://t.me/sayyid_baraka

Қандай ҳолларда инсоннинг асл юзи очилади?

1. Олди-сотди алоқаларида
2. Сафарда
3. Қаттиқ ҳис туйғуларга берилганда
4. Каттароқ мавқега эришганда
5. Синов ва мусибат пайтида
6. Бир инсон билан узоқ муддат алоқа қилганида
7. Ўзидан ҳолати пастроқ инсонлар билан алоқа қилганида (фаррош, мардикор ва ҳ.к.)
8. Унга эҳтиёж сезадиган инсонлар билан алоқа қилганида (оиласи)

Шайх Ёсир Ҳузаймий

https://t.me/sayyid_baraka

Ҳаромни инкор қилган одам кофир бўлади

Гуноҳ уч турда бўлади:
1. Намоз, рўза, закот сингари фарзларни тарк этиш. Бунинг азобидан қутулиш учун ўлим сизни йўқламасидан қазосини адо этинг.
2. Аллоҳ азза ва жалланинг ҳақига доир гуноҳлар: ичкилик ичиш, қимор ўйнаш. Ундан халос бўлиш учун вақтни ўтказмасдан тавба қилиш даркор.
3. Бандасининг ҳақига хиёнат қилиш энг оғир гуноҳ. Ундан қутулиш учун мўмин киши тезроқ тавба қилиб, ўша кимсани рози қилмоғи даркор. Акс ҳолда Аллоҳнинг қаҳрига йўлиқади. Гуноҳлар юки устида эзилиб, умидсизликка тушиш оғир фалокатдир. Шаръий истилоҳда қатъий, ҳеч шубҳасиз, очиқ-ойдин далиллар билан бажарилиши тақиқланган, уни бажармаслик қаттиқ талаб қилинган, уни юмшатадиган бирор далил келмаган амал ҳаромдир. Бунга Аллоҳга ширк келтириш, ота-онага оқ бўлиш, зино, ўғрилик, сеҳргарлик қилиш, фолбинга ишониш, маст қилувчи ичимликлар ичиш, туҳмат, ғийбат, бировнинг ҳақини ейиш, ожизалар авратини очиб юриши мисол бўлади. Мусулмон банда ҳаромдан, гуноҳдан йироқ бўлиши, ундан ҳазар қилиши фарздир. Ҳар қандай соф табиатли инсон ҳаром нарсалардан жирканиши табиий ҳолат. Фақат моддият кўзи билан кўрувчи қалб кўзи сўқир бўлганларгина ҳаром нарсалар билан лаззатланишни инсон ҳуқуқларининг тўлиқ таъминланиши, дея даъво қиладилар. Ҳаром ишни қилган кимса гуноҳкор бўлади. Икки дунё азобига учрайди. Уни тарк этган киши эса Аллоҳнинг амрига итоат этгани сабабли савобга эришади. Ҳаром маъносида "маъсият" ва "гуноҳ" сўзлари ҳам ишлатилади. Ҳаромни инкор қилган одам кофир бўлади. Асли ҳалол бўлган нарсаларга ҳаром йўл билан эришиш ҳам гуноҳ. Масалан, покиза, ширин таомдан меъёрида истеъмол қилиш ҳалол. Аммо ўша покиза таомни ўғирлаб ейиш ҳаром. Бунинг акси ўлароқ асли ҳаром бўлган нарсани ҳалол йўл билан топгани билан у ҳалол бўлиб қолмайди. Мўмин киши ҳаромнинг бир луқмасидан ҳам ҳазар қилиши лозим. Ҳадиси шарифларда ҳаром луқма еган кимсанинг қирқ кун ибодати қабул бўлмаслиги, ҳаром еб ўсган эт жаннатга кирмаслиги ҳақида огоҳлантиришлар келган.

"Обидлар йўли" китобидан.

https://t.me/sayyid_baraka

Ғийбатнинг зарарлари

1. Ғийбатчи дўзахда сассиқ ва ифлос нарсаларни еб азобланади.
2. Ғийбат қилинган кимса кечирмагунча ғийбатчининг гуноҳи кечирилмайди.
3. Ғийбат зарар, хусумат ва нафрат сабабчисидир.
4. Ғийбат одамлар орасидаги муҳаббат ришталарини узувчи омилдир.

https://t.me/sayyid_baraka

Етти нарсани ёдлаб олгин
Ҳаким деди: Етти нарсани тавсия қиламан, уни ёдлаб амал қилсанг, саломат бўласан:

1. Ғаюр, ичиқора билан шерик бўлма.
2. Ҳасадчидан бирон нима сўрама.
3. Жоҳил, нодон билан яқин бўлма.
4. Ўзингдан кучли билан курашма.
5. Иккиюзламачи билан биродар бўлма.
6. Бахил билан дўст тутинма.
7. Сирингни ҳеч кимга ишониб, омонат қилма.

https://t.me/sayyid_baraka

Ота-онанинг фарзандида ўн ҳаққи бор:

1. Ота-она оч қолса, тўйдиради.

2. Либосга муҳтож бўлса, кийинтиради.

3. Иш буюрса, бажаради.

4. Чақирса, “лаббай” деб дарҳол ёнларига боради.

5. Бир нарса буюрса, бажаради. Буюрган нарсалари гуноҳ бўлса, юмшоқлик билан тушунтиради ва чиройли тарк этади. Кўнглини олади.

6. Ота-онага юмшоқ гапиради.

7. Исмларини айтиб чақирмайди.

8. Уларнинг ортида юради.

9. Ўзи учун хоҳлаб, раво кўрган нарсасини ота она учун ҳам хоҳлаб раво кўради, ўзи учун истамаган раво кўрмаган нарсани улар учун ҳам раво кўрмайди, истамайди.

10. Ўзи учун дуо қилганда, улар учун ҳам Яратгандан кечирим сўрайди – мағфират тилайди.

Вафотларидан сўнг ота онани рози этмоқ уч нарса билан мумкин бўлур:
1. Фарзанд Яратганнинг буюрганига амал қилиб, қайтарганларидан қайтса – таъқиқларидан тийилса, солиҳ бўлса... (марҳум ота она рози бўлур). Чунки, ота-она фарзандлари солиҳ бўлганидан севинганчалик бошқа нарсадан севинмайди.

2. Уларнинг қариндошларини, дўстларини зиёрат қилиш билан...

3. Ота она учун Яратгандан кечирим – мағфират, авф тилаш билан улар учун (уларнинг номига ёки улар номидан) садақа бермоқ ва яхшилик (эҳсон) қилмоқ билан...

“Ҳикматлар хазинаси” китобидан.

https://t.me/sayyid_baraka

БУ ФОНИЙ ДУНЁ

Биз келиб кетувчи тўгарак жаҳон,
На боши маълум на сўнги аён.
Ҳеч кимса ростини айтиб беролмас,
Биз қайдан келдигу кетармиз қаён.

Кекса ёш ҳаётга ҳар кимки етар,
Ҳаммаси изма-из бирма-бир ўтар.
Бу дунё ҳеч кимга қолмас абадий,
Кетдилар, кетамиз, келишар, кетар.

Келмоқ қўлда бўлса келмасдим бир дам,
Кетмоқ қўлда бўлса кетмас эдим ҳам.
Жуда соз бўларди бу ғамхонага,
Келмасам, турмасам, келиб кетмасам.

Афсуски йигитчилик мавсуми битди,
Кўклам ўтиб кетди, қиш келиб етди.
Ёшлик деб аталган у севинч қуши,
Билмадим қачонлар келдию кетди.

© Умар Хайём

https://t.me/sayyid_baraka

«Қирқ ҳадис»нинг фазилати

Абу Дардо розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Инсон фақиҳ бўладиган илмнинг чегараси нима?» деб сўралдилар. Расулуллоҳ соллаллоҳу алайҳи васаллам: «Ким умматнинг дин ишлари борасида қирқта ҳадисни умматимга етказса, Аллоҳ таоло уни фақиҳ ҳолида тирилтиради ва қиёмат кунида мен унга шафоатчи ҳамда гувоҳ бўламан», дедилар.

Шарҳ: Ҳадиснинг хулосаси шуки, бир киши Пайғамбар соллаллоҳу алайҳи васалламдан фақиҳликка элтадиган илмнинг чегараси ҳақида сўради. Яъни савол қилгувчи киши «Инсон қанча миқдорда илм ўқиса, фуқаҳо ва уламолар даражасида бўлади», демоқчи бўлди. Кейин Набий соллаллоҳу алайҳи васаллам башорат бериб, ким қирқ ҳадисни ёд олиб умматга етказса, Аллоҳ таоло у бандани фақиҳлар жумласидан қилишини баён қилдилар. Мана шу сабабдан уламолар «Қирқ ҳадис» тўпламларини ёзганлар. Улар мана шу ҳадиснинг остига дохил бўлиш мақсадида бу ишга қўл урганлар. Чунки ҳадис давомида Пайғамбар соллаллоҳу алайҳи васаллам бу даражага етган инсонга гувоҳ бўлиб, шафоат қилишларини айтдилар.

“Мишкот ал-масобиҳ шарҳи” китобидан.

https://t.me/sayyid_baraka

Эр ким?

— дўзахий аёлларнинг сифатларидан бири эрга куфрони неъмат қилганлардир. Яъни унинг яхшиликларини унутиб, сендан нима кўрдим дейдиганлар;
— агар инсонга сажда қилиш мумкин бўлганда аёлнинг эрга сажда қилиши буюрилар эди;
— эрини ноҳақ ғазаблантирган аёлнинг ибодати қабул бўлмайди;
— эридан ноҳақ талоқ сўраган аёл жаннатнинг ҳидини ҳам ҳидламайди;
— эрининг рухсатисиз остона ҳатлаб чиққан аёлнинг ҳар бир қадамига гуноҳ ёзилади;
— эри чорлаганда узрсиз рад қилган аёлга фаришталар лаънат айтади;
— эрини рози қилган аёл жаннатидир. Бас, эр аёлнинг ё жаҳаннами, ё жаннатидир!

https://t.me/sayyid_baraka

Таъсирли гаплар экан!
Дўст ҳақида имкон қадар яхши гумонда бўлинг.

Толҳа ибн Абдурроҳман ибн Авф ўз замонасида Қурайшнинг энг саховатли кишиси эди.
Бир куни унга хотини:
- "Сизнинг биродарларингиздек пасткаш инсонларни кўрмаганман” - деди.
У:
- Нима учун бундай деяпсан?” - деди.
Хотини:
- Агар сиз бойиб кетсангиз, улар сиздан ажралишмайди, агар сиз камбағал бўлиб қолсангиз, (хабар олиб) келишмайди” - деди.
Толҳа хотинига қараб:
- Аллоҳга қасамки, бу уларнинг мукаррам хулқ соҳиблари эканидандир. Уларга саховат кўрсатишга имконимиз бор пайтда келишади, агар уларнинг ҳаққини адо қилишдан ожиз бўлиб қолсак, (бизни безовта қилиб, хижолатга қўймаслик учун) келишмайди” - деб жавоб берди.
Имом Мовардий ушбу қиссага қўшимча қилиб шундай дейди:
- Унинг олийжаноблик билан қилган таъвилини қаранг! Биродарларининг хунук ишларидан яхшиликни гумон қиляпти, хиёнатларини эса вафо деб таъвил қиляпти. Аллоҳга қасамки, бу – соғлом қалбнинг дунёда роҳат, охиратда эса муваффақият эканига далолат қилади. Бу ҳам жаннатга кириш сабабларидан биридир!!!

Салаф солиҳлардан бири:
“Агар дўстларимдан бирининг соқолидан хамр (яъни вино) томиб турганини кўрсам, унга сепиб юборилгандир, деб ўйлайман, агар унинг тоғнинг тепасида туриб олиб: “أَنَا رَبُّكُمُ الْأَعْلَى” (яъни, мен сизларнинг олий Роббингизман), деётганини кўрсам, Қуръон оятини ўқиётган бўлса керак, деб гумон қиламан.” - деган экан.

Уламолар айтадилар:
“Аллоҳга қасамки, бандага ўзининг амалидаги ниятини билиши қийинку, қандай қилиб у халойиқнинг ниятини билишга имкон топа олади?”.

Умар ибн Хаттоб розияллоҳу анҳу айтганлар:
“Биродаринг оғзидан чиққан сўздан бирорта яхшиликни гумон қилишга имконинг бўлса, у сўздан ёмонликни гумон қилмагин!”.

Ибн Сийрин роҳматуллоҳи алайҳи айтганлар:
“Биродаринг ҳақида бирон нарса эшитсанг, унинг узрини қидир. Агар унга узр топа олмасанг, “Балки мен билмайдиган узри бордир” - дегин”.

https://t.me/sayyid_baraka