✅ Зўравонликдан жабрланган ва тазйиққа учраган 6 063 нафар хотин-қизлар аниқланиб, барчасига “ҳимоя ордери” расмийлаштирилди

Бу ҳақда АОКАда ўтказилган брифингда Ички ишлар вазирлиги ахборот хизмати раҳбари ўринбосари Нилуфар Бегматова маълум қилди.

✅ Ички ишлар вазирлигининг тегишли ҳужжатига биноан жорий йилнинг 8 ноябрь кунидан бошлаб республикамизда “Хавфсиз ҳудуд – долзарб 50 кунлиги” кенг қамровли махсус профилактик тадбирлар ўтказилмоқда.

✅ Тадбир бошидан Профилактика инспекторлари томонидан ҳуқуқбузарлик содир этиши ёки ундан жабрланиши эҳтимоли юқори бўлган шахслар аниқланиб, уларнинг муаммоларни ҳал этиш учун маҳалла еттилигига хулосалар тақдим этилди.

✅ Маҳаллаларда содир этилган жиноятлар юзасидан сектор раҳбарлари иштирокида 4 184 та муҳокама ўтказилди.

✅ Аҳоли билан хавфсизлик масалалари юзасидан маҳаллаларда, корхона ташкилот ва таълим муассасаларда 96 805 та учрашув ўтказилди.

✅ Жиноятчилик хавфи юқори бўлган ҳудудлардаги 5 251 та хонадонга, 5 229 та объектга жами 18 928 та кузатув камераси ҳамда 8 448 дона ёритиш чироғи ўрнатилди.

✅ Пробация назоратидаги 105 826 нафар маҳкум бевосита иш жойида ўрганилиб, 2 845 тасига таъсир чоралари кўрилди.

✅ Ташкил этилган меҳнат ярмаркалари жараёнида назорат остида бўлган 3 594 нафар шахслар ишга жойлаштирилди, жазони намунали ўтаётган 241 нафар маҳкумлар муддатидан илгари шартли равишда озод қилинди.

✍️ Батафсил

Telegram | Facebook | Instagram | Youtube | Медиабанк