Осон деб ўйламанг раис зотига,
У тинмай уйма-уй юриши мумкин.
Эр-хотин жанжалин тинчитиш учун,
Тунда уйқусидан туриши мумкин.

Осон деб ўйламанг раис зотига,
Хонада кўкрагин кериши мумкин.
Лек зиқна, хасисга бошини эгиб,
Чиқинди пулини териши мумкин.

Сувнинг назоратчи ходими келмас,
Ортидан ялиниб юради раис.
Сўнг ўзи тергилаб, йиғиб сув пулин,
Уйига етказиб беради раис.

Солиқчи йигитга кўз қири тушса,
Буюк бир шаманни кўргандек бўлар.
Демак оғир юкдан қутулади у,
Демак бугун солиқ режаси тўлар.

Шаман бир кўриниб йўқолар кўздан,
Миллионлаб солиқни йиғади раис.
Солиқчи ўн  миллион мукофот олса,
Аламдан ўзини бўғади раис.

Осон деб ўйламанг раис зотига,
Болалар пулининг эгаси бошқа.
Нафақа олмаган аёллар келиб,
Ёнғоқлар чақишар чиқишиб бошга.

Осон деб ўйламанг раис зотига,
Халқим деб жонидан кечиши мумкин.
"Ногоҳон минса у жаҳл отига",
Тинчланиши учун ичиши мумкин.

Айтсам тугамайди ғурбатлар сира,
Уйингиз қувончга тўлсин раислар.
Қийинчилик ўтар, аммо унгача,
Бошингиз темирдан бўлсин раислар!

Мақсуд МИРЗАЕВ.
Нарпай тумани.

Раисларга юбориб қўйинг
KANALGA OBUNA BO'LING✅

Бизлардан узоқлашманг каналимиз СИЗЛАР билан файзли
🌹🌱꧁꧂‎‌♥️♥️꧁꧂🌹🌱

Дўстларингизга улашинг!
💞💞💞💞💞💞💞💞💞

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
http://t.me/Onamning_Duosi_Meni_Asraydi_007