#Зулфия_таваллудининг_110_йиллигига

⚡️⚡️⚡️

Зулфия қизиман

Биламан, орзуга бордир етмоғим,
Ул кунни албатта керак кутмоғим.
Ойдин кечаларда ойдек тўламан,
Бир кун мен Зулфия қизи бўламан.

Шеърларим бир куни танитар мени,
Унутмам қаламим ўшанда сени.
Илҳом қанотида, яйраб куламан,
Бир кун мен Зулфия қизи бўламан.

Отамнинг юзини қилиб чароғон,
Мендан рози бўлгай, онам меҳрибон.
Улуғлар сўзига амал қиламан,
Бир кун мен Зулфия қизи бўламан.

Ҳали олдимдадир машаққатли йўл,
Ҳали китобларим бўлар қўлма қўл.
Мен шоира бўлиб, завққа тўламан
Бир кун мен Зулфия қизи бўламан.

Шоира қизларга тоъле ёр бўлгай,
Шеърият мулкида иқболи кулгай.
Ватан муҳаббатин шеърга соламан.
Бир кун мен Зулфия қизи бўламан.

✍ Шабнамхон Файзимуродова

📱 @Olmaliqhayoti

Каналга уланиш: https://t.me/+SA-Ow_e4UUq1kgRE

Online mustang taxi 📲 1052