#Манзиллар

Гуноҳ - ойнадир.

У сизга гуноҳсиз ва уйғоқ кунларингиздаги бахтингизни, роҳат ва ҳаловатингизни кўрсатиб беради.

У сизга ғафлат ва гуноҳли онлардаги бахтсизлик, зулмат ва сиқилишларни ҳис эттиради.

Агар гуноҳ бўлмаганда, Аллоҳдан узилиш оғриқларини, Ундан узоқлашиш ваҳшатини ва ҳар қандай тавфиқ Ўзидангина эканлигини англамаган бўлардик.

Агар гуноҳ бўлмаганда, Аллоҳга қурбат лаззатини, Унга тоат ҳаловатини ва Ўзигагина илтижо этиш ҳузурини ҳис қилмай қўярдик.

Танангизга ўйлаб кўринг.
Бу сўзларимда асло гуноҳга тарғиб йўқ. Аллоҳ асрасин. Илло ҳар инсон хатокор, гуноҳкор.

Гуноҳидан тезликда қайтиши учун, ўша гуноҳидан ойна ўлароқ фойдалансин. Мақсад шу. Зеро, гуноҳкорнинг энг яхшиси - тавба қилувчидир.

Гуноҳ - ойнадир..

@MubashshirAhmad