Abror Mirkomilov | blog

kuniga 1 soat til o’rgan -> «vaqt yo’qda»
kuniga 1 soat reels -> «har kuni, 2 marta»

kuniga 20 bet kitob o’qish -> «uyqu keladi»
kuniga 20 minut g’iybat -> «mazza»

kuniga 30 min jismoniy mashq -> «eee qo’ysangchi»
kuniga 8 soat o’tirish -> «kaneshna, majburmizda endi»

bilimga 50$ investitsiya -> «qimmatakan»
qora jentra -> «10 yil umrimni almashtirishga roziman»


Bizga hayotda nima muhim ekanligini aniqlab olishimiz zarur. Keyin afsuslanmaymiz.


Bek Olimjon

2 ta yo’l bor:

1️⃣ Hammasini qanday bo’lsa shundayligicha qoldirish;
2️⃣ Hamma narsani yaxshi tomonga o’zgartirish.

1-yo’l oson. Hamma narsaga ko’nikib yashaysiz. Hayot nursiz qolaveradi. Vaqt o’tib esa yomonlashishi mumkin.

2-yo’l qiyin. O’ziga yarasha qiyinchiliklari va voz kechiladigan tomonlari bor. Lekin natija shirin bo’ladi.

@raimbaev_elmurod

Og‘izga kelganni demak – nodonning ishi,
Oldig‘a kelganni yemak – hayvonning ishi.

©️ Alisher Navoiy

Arziydiganlari ommaga chiqmaydi.

3 yil oldin o’zini Dubaylik magnat deb tanishtirayotgan odamning piramidasi haqida yozgandim.

Yaqinda investorlar pulini ola olmayotgani haqida xabar chiqibdi.

Millionlab obunachilariga reklama qilganlar esa jim. O’zlari ham aldanishgan chog’i.

100$ bo’lsa ham pulingizni biron yerga tikmoqchi bo’lsangiz bitta qoidani tushunib olish kerak:

Rostdan ham investitsiya qilishga arziydigan loyihalar ommaga chiqmaydi. Ularni izlab topish kerak.

Investor bo’lish faol reklama qilinayotgan loyihalar 99% holatda pul tikishga arzimaydi.

Pulingiz borku, qayerga tikishni bilmayapsizmi? Bu haqida ham 3 yil avval yozgandim.

@azizrakhimov_blog

Xohishingizni aniqlang, aks holda bunga majbur qilishadi

2009-yil.
21 yoshdaman.
Toshkentning top restoranlaridan birida ustozim bilan bo’lgan suhbatdan bir parcha.

Ustozim: “Bek, hayotda nima xohlashingni bilib olishing muhim. Aks holda seni nima xohlashing kerakligini senga singdirishadi va sen bunga ishonasan”

Men: “Men bu yoshimda hayotda nima xohlashim kerak?”

Ustozim: “Savolingda shoshqaloqlik bor. Nima xohlashim kerak emas, nima xohlashimni qanday aniqlasam bo'ladi desang to’g’ri bo’ladi.”

Bir necha soniyali sukutdan so’ng, “men senga mana buni xohlashing kerak desam, kelajaginga xiyonat qilgan bo’laman. Nima xohlashingni o’zing aniqlashing zarur. Bu oson vazifa emas, lekin muhim vazifa. Vaqt oladigan vazifa. Eng tez usuli bu kitoblar orqali” degan edi.

O’sha payt buni tushungandek bo’lganman, ammo mag’zini oradan 10 yil vaqt o’tgandan keyin, 2019-yili Norvegiyada doktorlik dissertatsiyamni tugatayotgan vaqtda tushundim.

Hayotda nima xohlashimizni aniqlab, maqsadlarimizni aniqlab olishimiz muhim ekan. Aks holda biz boshqalar maqsadi bilan umr o’tkazamiz ekan.

Maktabni tamomla, mana buncha bal ol, mana bu institutga kirishing kerak, mana bunday mashina olishingiz kerak, mana bu qizga uylanishing kerak, uying mana bunday bo’lishi kerak, kiyiming manda bunday bo’lishi kerak va hok.

Atrofimizdagilar maqsadi katta emas, shu sabab ham harakatlari yetarlicha emas. Bizni o'z kichik maqsadlari tomon tortib ketishadi.

Boshqalar maqsadi bilan umr kechirmaslik muhim. Umr qisqa. Nima xohlayotganimizni aniqlay olishimiz zarur. Aks holda jamiyat qo’ygan chegaralardan chiqa olmay umrimiz o’tib ketaveradi.

Inson sifatida bizga berilgan umrdan, to’liq potensialdan foydalana olmay, yaxshi mutaxassis bo'la olmay, dunyo keza olmay, orzularga erisha olmay, va eng muhimi insoniyatga hizmat qila olmay o’tib ketishimiz xavfli.

Bek Olimjon
18.03.2024
Norvegiya

Hayolingizga siz amalga oshira olmaydigan orzular kelmaydi.

Keldimi? Demak siz bu orzuyingizni bemalol amalga oshira olasiz.

@raimbaev_elmurod

Аллоҳгагина боғланинг!

Қадимги уламоларнинг Аллоҳга таваккуллари ва фақат Роббиларидангина қўрқишлари уларни ва улар сабабидан умматни олий қилганди.

Шундай зотлардан бири Бунан Ал Ҳаммалнинг қуйидаги ҳикояларини имом Ибн Ал Жавзий, имом Аз Заҳабий ва бошқалар китобларида зикр қилганлар:

Шайхулислом Абул Ҳасан Бунан Ибн Муҳаммад ал Ҳаммал IV ҳижрий асрнинг энг буюк имомларидан бўлганлар. Мисрда истиқомат қилганлар.

Ўша вақтлар Аббосий халифалиги анча заифлашиб, халифага номига бўйсунса-да, аслида ўзини ўзи хоҳлаганча бошқарадиган майда амирликлар кўпайиб кетган. Шундай амирлардан бири (ва кейинроқ халифаликка исён кўтариб, подшоҳ бўлиб олган) Миср волийси ибн Тулун ўз даврининг энг золим ва шафқатсиз кишиларидан бўлиб, баъзи муаррихларнинг айтишларича 10 мингдан зиёд мусулмоннинг ўлимига сабабчи бўлган бадбахт эди.

Кунларнинг бирида шайхулислом Бунан ал Ҳаммал Ибн Тулуннинг мункар ишларини танқид қилиб, насиҳат қиладилар. Золим амир ҳақни айтган имомнинг сўзларидан ғазаби келиб аскарларига уни оч шерларга едиришни буюради.

Имомни қафасга қамаб, уч кун оч сақланган шерларни унинг устига қўйиб юборишади. Имом қиблага юзланганча зикр ва дуодан бўшамай ўтираверадилар. Шерлар келиб уларнинг кийимлари ва жасадини ялайди, бироқ ҳеч бир зарар етказмай олдида сокин тураверишади!

Воқеа одамларни ҳайратга, золим амирни даҳшатга солади. Имомнинг қадри кишилар олдида олий бўлиб, барча уни муҳаббат ва эҳтироб билан мадҳ этаётгани бўлган воқеанинг даҳшатига қўшилади-да, ибн Тулун имомни қўйиб юборишга мажбур бўлади.

Шундай қилиб золим хор қилмоқчи бўлган буюк олимни Аллоҳ олий қилади!

Шайхулислом Бунан ал Ҳаммал озод бўлиб, уйга қайтганларида шогирдларидан бири устозидан сўрайди:

- Оч шерлар кийимингизни ялай бошлаганда қалбингиздан нелар кечди, нималарни ўйлаётган эдингиз?

Имом жавоб қиладилар:

- Бунинг сўлаги нажасмиди, тоҳирмиди деб ўйлаётгандим.


Маҳмуд Усмон
Мадина Ислом университети талабаси.

Телеграм манзилимиз:


https://t.me/MahmudUsmon