HIJOB

Sizdek go'zal emasdir aslo
Tushlarimga kirgan go'zallar.
Yuzingizdan yog'ilur ziyo,
Hijob o'rab yurgan go'zallar.

Bugun ko'cha ranjitar dilni,
Yaxshiyam bor qaragani yer.
O'z bog'ida ochilgan gulni
Hech vaqt ko'z-ko'z qilmaydi chin er.

Qay tomonga ketyapti bular,
Tunday qaro qalblari bilan.
Bugun kular, so'ng bag'rin tilar
Kallasini ishlatmas bu dam.

Lekin sizdek mastura qizlar
Har insonga tirik bir ibrat.
O'zin chohga otar beyuzlar,
Sizlarni-chi zor kutar jannat.

Sizdek go'zal emasdir aslo
Pardoz qilib yurgan go'zallar.
Yerdagi har bir qizdan a'lo
Hijob o'rab yurgan go'zallar.

✍️ Nurmuhammad Xo'ja

@Bintu_Muxtor_Aliy