IB va KT fakulteti | AndMI

#kitobxon_talaba                              #tyutorlar_faoliyatidan                                   
📚Talaba-yoshlarning bo'sh vaqtlarini mazmunli tashkil etish, ular orasida kitobxonlik madaniyatini keng targ'ib qilish, kitobga bo'lgan mehrini yanada oshirishni maqsad qilgan "Kitobxon talaba" loyihasi davom etmoqda. Bu galgi loyihada  Oʻzbekiston xalq yozuvchisi Isajon Sultonning „Bilga xoqon“ romani muhokamasi yuzasidan 2025-yilning 3-mart kuni  Intellektual boshqaruv va kompyuter tizimlari  fakulteti tyutori  F.Aslanov  “Mutolaa soati” da talabalar bilan suhbat oib bordi.                     
📘“Bilga xoqon”tarixiy-biografik romani –turkiy  xalqlarning  oʻn  uch  asrdan  narigi  davrdagi qaygʻulari ifodasi. Yozuvchi qadimgi   turk   davridagi   manzara,
qahramonlarning  turkona  tabiati,  hech  narsadan  tap  tortmas  botirligini  saqlashga harakat   qilgan.
    📒Kelgusi rejaga  O'tkir Hoshimovning "Urushning so'nggi qurboni" asariini o'qish tavsiya etildi.

🌷🌷🌷MEHR- MUHABBAT VA SADOQAT TIMSOLI –ZULFIYAXONIM TAVALLUDINING 110 YILLIGI MUNOSABATI BILAN MA'NAVIY-MA'RIFIY TADBIR BO'LIB O'TDI.

📜Oʻzbek sheʼriyatining otashnafas shoiralaridan biri, benazir ayol, buyuk ona, vafo va sadoqat timsoli, inson ruhiyati dunyosining betakror kuychisi shoira Zulfiyaxonim Isroilova tavalludining 110 yilligi munosabati bilan 2025-yilning 1-mart kuni Andijon davlat texnika instituti Intellektual boshqaruv va kompyuter tizimlari fakultetida "Zulfiyaxonim zukko qizlari" nomli ma'naviy-ma'rifiy  tadbir tashkil etildi.
💫Tadbir davomida Zulfiya Isroilova qalamiga mansub she’rlar o‘qildi, bastalangan qo‘shiqlar kuylandi. Shoira Zulfiyaxonim va Hamid Olimjon hayoti sahnalashtirilgan kichik spektakl  talabalar  tomonidan ijro etildi.

🌷1-mart – Xalqimizning atoqli shoirasi Zulfiyaxonim tavallud topgan kun!

📆Taniqli o'zbek shoirasi Zulfiyaxonim 1915-yil 1-mart kuni Toshkent shahrida tug‘ilgan.

⚜️Iqtidorli shoira va yozuvchi, inson qalb tug‘yonlarini o‘tkir bilimdoni bo‘lib, turli janrlarda asarlar yaratgan. Shoiraning xalq orasida “Oydinda”, “Sensiz”, “Falak”, “Bahor keldi seni so‘roqlab”, “O‘g‘lim, sira bo‘lmaydi urush”, “Mushoira” kabi sheʼrlari mashhur.

Sheʼriyat malikasining hayot yoʻli barcha zamonlar avlodi uchun ham chinakam sadoqat va vafo timsoli boʻlib qolaveradi.

KAFEDRA USTOZIDAN AJOYIB LOYIHA:  "MEHR TABASSUMI"                              
🌸Har bir ezgu ish kichik tomchi bo‘lib, katta daryoga aylanadi.Imkoniyati cheklangan bolajonlarga umid va nur ulashish ramzi sifatida “Tillar va gumanitar fanlar” kafedrasi o‘qituvchisi  Abdug‘aniyev Javohirmirzo tashabbusi bilan “Intellektual boshqaruv va kompyuter tizimlari” fakulteti talabalari hamda tyutor I.Alijonov birgalikda Andijon shahar 13-sonli alohida ta'lim ehtiyojlari bo'lgan bolalar uchun ixtisoslashtirilgan maktab-internatiga tashrif buyurdilar.
😊"Mehr tabassumi" nomli loyiha doirasida ustozlar va talabalar  nogiron bolajonlarga mehr ulashish va ularning yuzida shirin tabassum uyg‘otish g‘oyasini  ilgari surdilar, shuningdek bolajonlar uchun turli ko‘ngilochar dasturlar va o‘yinlar tashkil etildi.  Ko‘ngilochar dasturlar davomida bolajonlarning yuzlarida tabassum va qalblarida samimiy quvonch namoyon bo‘ldi.
💮Kichik ezguliklar natijasida bolajonlar yuzida shirin tabassumlar paydo bo‘ldi.