🟦🟦🟦

Маҳаллий тадбиркорлар билан навбатдаги онлайн мулоқот бўлиб ўтди

Фармацевтика маҳсулотлари хавфсизлиги маркази ва Фармацевтика тармоғини ривожлантириш агентлиги ҳамкорлигида навбатдаги онлайн мулоқот ташкил этилди.

Унда “DENTAFILL PLYUS” МЧЖ томонидан давлат рўйхатидан ўтказиш ҳамда рўйхатдан ўтказилганлик гувоҳномаларини амал қилиш муддатини узайтириш учун тақдим этилган 43 номдаги ҳамда “NOVUGEN PHARMA” МЧЖ ХК томонидан ишлаб чиқарилган 6 номдаги маҳаллий дори воситаларининг давлат рўйхатидан ўтказиш ва рўйхатдан ўтганлик гувоҳномасини бериш масалалари муҳокама қилинди.

Шунингдек онлайн учрашув давомида тадбиркорлар учун "Дармон" ахборот тизимидаги яратилган қулайликлар ҳамда биотехнологик препаратларни ишлаб чиқаришга қўйилган талаблар бўйича мутахассислар томонидан тушунтириш берилди.

Тадбиркорлар Марказ фаолиятининг шаффофлиги ва очиқлигини эътироф этиб, соҳада олиб борилаётган тизимли ислоҳотларни юқори баҳоладилар.

Telegram | Facebook | Instagram | Youtube