Қонунчиликка мувофиқ, I ва II гуруҳ ногиронлиги бўлган шахслар белгиланган тартибда ўтказиладиган такрорий тиббий кўрикдан ўтказиш учун ўз вақтида келмаган тақдирда пенсияни тўлаш тўхтатиб қўйилади.

Пенсия фуқаро ТИЭКга янгидан мурожаат қилган ва I ёки II гуруҳ ногиронлиги бўлган шахс деб эътироф этилган кундан бошлаб тикланади.

Агар ногиронлиги бўлган шахс қайта тиббий кўрикдан ўтказишга келмаганлиги сабабли пенсия тўлаш вақтинчалик тўхтатиб турилса ва қайта тиббий кўрикдан ўтказилгандан кейин фуқаро ногиронлиги бўлган шахс деб эътироф этилмаса, у ҳолда пенсия тўлаш вақтинчалик тўхтатиб турилган кундан бошлаб тўхтатилади.

Р.Каримов
Чуст тумани "Инсон" ижтимоий хизматлар маркази ҳуқуқий масалаларда эксперт маслаҳатчиси.