ШУНЧАЛАР ЯХШИСИЗ,  ЯХШИЛАР

Умр йўлимда учраган хайрли инсонларга бағишлайман.

Чарх уриб   яхшилик соғиндим,
Умримга зеб бўлди, оҳ, шулар!
Тоқ  эдим,  сиз сабаб боғ  бўлдим-
Бунчалар яхшисиз,  яхшилар!

Сиз борки,  нур сочар ой,  офтоб,
Бетаъма,  баҳузур,  руҳи соф,
Борлиги барака,  беҳисоб-
Бунчалар яхшисиз,  яхшилар!

Ҳар дамда дил бериб,  дил олиб,
Карвонга  йўл бериб,  йўл солиб,
Майдонда мардонавор ғолиб-
Бунчалар яхшисиз,  яхшилар!

Баҳорсиз- яшнатиб,  яшовчан,
Ҳидлари муаттар гул,  ёвшан,
Эсласам, кўнглим тортар равшан-
Бунчалар яхшисиз,  яхшилар!

Акасиз,  укасиз,  биродар,
Сингилсиз, опасиз- савобкор,
Жондошсиз жигарга баробар-
Бунчалар яхшисиз,  яхшилар!

Сўз топмам ташбеҳу сифатга,
Зормассиз алқов-у,  иззатга,
Шайдоман  сизга,  шу хислатга-
Бунчалар яхшисиз,  яхшилар!

Бор бўлинг,  дунёда  ҳамиша,
Толейи зиёда,  ҳамиша,
Ҳамкордан,  ҳамроздан  ҳам пеша-
Шунчалар яхшисиз,  яхшилар!

Мақсуда Каримова

https://t.me/joinchat/AAAAAFCGRHMSMORVycYt4g